FUTBOL

------------

"Çelsi"nin tarixində ən uğurlu transferi Frank Lempard olub

"FourFourTwo" portalı İngiltərənin "Çelsi" klubunun tarixində ən uğurlu 10 transferin reytinq cədvəlini elan edib. Cədvəldə birinci yeri 2001-ci ildə "Vest Hem"dən "Zadəganlar" klubuna transfer edən Frank Lempard olub. 2014-cü ilədək bu klubda forma geyinən forvard klubun heyətində 648 oyun keçirib. Bu oyunlarda isə o, 211 qol və 145 məhsuldar ötürmə ilə yadda qalıb. Lempard "Çelsi" ilə 3 dəfə İngiltərə çempionu, 4 dəfə İngiltərənin Kubokunu, 2 dəfə ölkənin Superkubokunu, bir dəfə UEFA Çempionlar Liqasını, bir dəfə isə UEFA Avropa Liqasını udub. O, 2019-2021-ci illərdə isə "Zadəganlar"ın baş məşqçisi postunda da çalışıb.

Lemparddan sonra reytinq cədvəlində ikinci yeri Eden Azar tutur. O, 2012-ci ildə Fransanın "Lill" klubundan "Çelsi"yə transfer edib. İlk üçlüyü isə 1948-ci ildə "Nyukasl"dan transfer edən Roy Bentli tamamlayır. Siyahıda sonrakı yerlərdə Didye Droqba (2004-cü ildə "Marsel"dən keçib), qapıçi Petr Çex (2003-cü il, "Renn"dan), Klod Makalele (2003-cü il, "Real"), Canfranko Zola (1993-cü il, "Parma"), Canluka Vialli (1996-cı il, "Yuventus"), Eşli Koul (2006-cı il, "Arsenal"), Aryen Robben (2004-cü il, "PSV"). 

 İNTİQAM Məmmədov