Yeniyetmə atletlərin ölkə birinciliyinə yekun vurulub

23-25 fevral günlərində Şüvəlandaki Ağır Atletika Mərkəzində yeniyetmə oğlan və qızlar arasında ağırlıqqaldırma üzrə Azərbaycan birinciliyi keçirilib. Üç gün davam edən birincilikdə ölkənin şəhər və rayonlarından olan idman cəmiyyətləri, klubları və mərkəzlərini təmsil edən 150 idmançı medallar uğrunda mübarizə aparıb.

AAAF-dan verilən məlumata görə, yarışın son günündə ağır çəkili idmançılar çıxış ediblər. 

96 kq-da Muhammədəli Məmmədzadə iki hərəkətin cəmində 252 (115+137) kq nəticə ilə birinci yeri tutub. 102 kq çəkidə Sultan Sultanov 188 (83+105) kq-la, +102 kq-da isə Sadiq Əliquliyev 210 (90+120) kq nəticə ilə birinci olub. 

Birinciliyin ilk günlərində isə 49 kq-da Əlimehti Hüseynov 128 (56+72) kq-la, 55 kq-da Kamran Xappayev 196 (88+108) kq-la, 61 kq çəkidə Orxan Kərimov 202 (91+111) kq-la, 67 kq-da Turan Əliyev 217 (101+116) kq nəticəylə, 73 kq-da Akif Abdullayev 237 (107+130) kq-la, 89 kq çəki dərəcəsində isə Hüseyn Heydərov 260 (120+140) kq göstərici ilə Azərbaycan çempionu adını qazanıb.

40, 45, 49, 55, 59, 64, 71, 76, 81və +81 kq çəkidə körpücük üzərinə çıxan qızların yarışında isə müvafiq ardıcıllıqla Maya Bağırlı, Nuray Əbilova, Malika Bikecuyeva, Ravilya Abbasova, Milena Hüseynli, Aytən Əliyeva, Zəhra Niftəliyeva, Arzu Qədimova, Mələk Hüseynli və Nuranə Məhərrəmova birinci yeri tutmaqla Azərbaycan çempionu adını qazanıb.

İNTİQAM Məmmədov