Futbol

--------------

"Qarabağ" səfərdə də "Molde"dən xal qoparıb

Dünən futbol üzrə UEFA Avropa liqasının qrup mərhələsində sayca 5-ci olan növbəti turun oyunları keçirilib. Ölkəmizi bu turnirdə təmsil edən Azərbaycan çempionu "Qarabağ" yer aldığı H qrupunda "Molde"nin (Norveç) qonağı olub. Molde şəhərindəki "Aker" stadionunda baş tutan və taleyi belçikalı referi Erik Lambrextsə tapşırılan oyun sülh şəraitində bitib - 2:2. Nəticədə də tərəflər hərəyə bir xal qazanmaqla kifayətlənib. Qeyd edək ki, "Qarabağ"a hava və su kimi lazım olan bu xalların qazanıldığı oyunda ilk və son qolu vuran Azərbaycan çempionu olub. 

Oyunun 12-ci dəqiqəsində Jununyo baxımlı bir qola imza atmaqla həm hesabı açıb, həm də "Qarabağ" klubunu erkən hesabda irəli çıxarıb. Təəssüflər olsun ki, cempionumz bu üstünlüyü sona qədər saxlaya bilməyib. Matçın sonlarında ev sahibləri qısa zaman çərçivəsində çempionumuzun qapısından iki qol keçirməklə hesabda irəli çıxıblar - 2:1. Ev sahiblərindən hər iki qolu Kristian Eriksen vurub (82 və 87-ci dəqiqə)..

Xoşbəxtlikdən aqdamlilar bu hesabı dəyişməyə nail olublar. 90+5 dəqiqədə Elvin Cəfərquliyev oyunda özünün birinci, "Qarabağ"in isə ikinci qolunu vurarsq qarşılaşmada bərabərlik yaratmaqla yanaşı, həm də matçın qəhrəmanına çevrilib - 2:2. 

Bununla da, Azərbaycan çempionu H qrupundakı mövqeyini qorumaqla pley-offa çıxmaq şansını saxlaya bilib.

Yeri gəlmişkən, dünən H qrupunda keçirilən digər oyunda isə "Bayer" (Almaniya) səfərdə "Xekken" (İsveç) klubunu minimal hesabla məqlibiyyətə uqradib - 0:2.

"Qarabağ" qrupda son matçını Bakıda "Xekken"ə qarşı keçirəcək. Xatırladaq ki, İsveçdə keçirilən ilk oyunda "Qarabağ" 1:0 hesabla qalıb gəlib.

H qrupunda komandaların turnir cədvəlində vəziyyət belədir:

Komanda   O   Q   H   M   T/F   X

Bayer   5   5   0   0   14:2   15

Qarabağ   5   2   1   2   5-7   7

Molde   5   2   1   2   11:7   7

Xekken    5   0   0   5   2-15   0

İNTİQAM Məmmədov