“Qələbəyə inam” adlı tədbir keçirilib

Fevralın 22-də Azərbaycan İstiqlal muzeyi və “Böyük Qayıdış” Gənclər Təşkilatının birgə təşkilatçılığı ilə Xocalı soyqırımının 32-ci ildönümünə həsr olunmuş “Qələbəyə inam” adlı tədbir keçirilib.

Çıxışlarda bildirilib ki, Xocalı faciəsi 200 ilə yaxın bir müddətdə erməni millətçilərinin və onların havadarlarının Azərbaycan xalqına qarşı apardığı etnik təmizləmə və soyqırımı siyasətinin davamıdır. Xocalı soyqırımı nəticəsində 613 nəfər qətlə yetirilib, 8 ailə tamamilə məhv edilib, 1275 nəfər əsir və girov götürülüb. Azərbaycan dövləti erməni millətçilərinin xalqımıza qarşı törətdiyi cinayətlər, o cümlədən Xocalı soyqırımı haqqında həqiqətlərin dünya ictimayyətinə çatdırılması, onun soyqırımı kimi tanıdılması üçün məqsədyönlü və ardıcıl fəaliyyət göstərir. H.Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən başlanılan “Xocalıya ədalət!” beynəlxalq kampaniyasının xüsusi əhəmiyyəti vardır.

Kompaniya çərçivəsində Xocalı soyqırımı ilə bağlı beynəlxalq səviyyədə məqsədyönlü təbliğat tədbirləri həyata keçirilir, Azərbaycanın haqq səsi dünyaya çatdırılır.

Tədbirdə Azərbaycan Mill Konservatoriyanın nəzdində İncəsənət Gimnaziyasının şagirdləri teatr və musiqi kompozisiyaları ilə çıxış etdilər.
Tədbirdə “Böyük Qayıdış” Gənclər Təşkilatının üzvləri, Bakı Dövlət Universitetinin Tələbə Həmkarlar Təşkilatının üzvləri və digər qonaqlar iştirak edib.