Xocalı faciəsinin ildönümünü "Missiya" tamaşası ilə anılacaq

Sumqayıt Dövlət Dram Teatrının  kollektivi Xocalı faciəsinin ildönümünü "Missiya" tamaşası ilə  anacaq.
Milli mücadilə tariximizdə çətin və şərəfli səhifələr mövcuddur. Onlardan biri də Xocalı faciəsidir.  Xalqımız heç zaman o məşum gecəni, onun vurduğu ağır zərbələri  unutmadı.
Nə xoş ki, Ali Baş Komandan İlham Əliyev qüdrətli Azərbaycan Ordusu ilə torpaqlarımızı əsirlikdən qurtardı. Artıq Xocalıda Azərbaycan Bayrağı dalğalanır.       
Fevral ayının 25-i saat 18⁰⁰-da Sumqayıt Dövlət Dram Teatrının repertuarında önəmli yer tutan "Missiya" tamaşası nümayiş olunacaq. Hafiz Ataxanlının qələmə aldığı, Xalq artisti Firudin Məhərrəmovun quruluş verdiyi mistik qəhrəmanlıq dramı özündə  Qarabağ savaşını və Zəfər qürurunu ehtiva edir.
Tamaşanın quruluşçu rəssamı Elşən Sərxanoğlu, musiqi tərtibatçısı Telman Qəniyevdir. Rollarda Əməkdar artistlər İlahə Səfərova, Rauf Ağakişiyev, Cəlal Məmmədov, aktyorlar Oktay Mehdiyev, Elay Xasıyev, Mətləb Səfərıi, Məryəm Hüseynli, Habil  Xanlarov, Aynur Hümbətova, Ceyhun  Məhərrəmli, Rövşən Əsgərov, Rövşad İlyasov,  Elmir Mehdiyev, Ramazan Xanlarov, Etibar Əmirov və Zaur Şirinov çıxış edirlər.