"Qarabağ" "Braqa"yla "12" nəfərə qarşı 10 nəfərlə oynasa da...

Dünən gecə saatlarında futbol üzrə UEFA Avropa liqasının pley-off mərhələsində cavab oyunları keçirilib. Bu möhtəşəm turnirdə ölkəmizi təmsil edən Azərbaycan çempionu "Qarabağ" FK doqma divarlar arasında "Braqa"ni (Portuqaliya) qəbul edib. Taleyi bolqarıstanlı referi Qeorqiy Kabakova həvalə edilən və Tofiq Bəhramov adına Respublika stadionunda baş tutan bu görüş olduqca dramatik bir məcrada keçib. "Qarabağ"a mərhələni keçib 1/8 finalda mübarizəni davam etdirə bilməsi üçün nəinki qələbə və heç-heçə, hətta bir top fərqiylə məqlub olmaq da bəs edirdi. Sonda "köhlən atlar, elə buna da Nail olublar. Əsas hissəsi rəqibin 0:2 hesablı qələbəsi ilə bitən oyun uzadılmış əlavə vaxtda davam edib və sonda qonaq komandanın 2:3 hesablı qələbəsi ilə başa çatıb. Bu hesab isə bir həftə öncə Portuqaliyada keçirilən ilk oyunda 4:2 hesabla qalib gələn "Qarabağ"in mərhələ keçməsinə bəs edib.

Oyuna gəlincə, olduqca gərgin mübarizə şəraitində keçən və nəfəslər kəsən matçın birinci hissəsində "Qarabağ" yaranmış vəziyyətdən istifadə edə bilmədiyi üçün ilk 45 dəqiqə qolsuz bərabərliklə bitib - 0:0. 

Oyunda əsas gərginlik isə 57-ci dəqiqədən sonra başlayıb. Öz tərəfkesliyi ilə az qala qonaq komandanın 12-ci oyunçusuna çevrilən bolqarıstanlı baş hakim Kabakovun Elvin Cəfərquliyevi qırmızı kartla meydandan qovmasi "Qarabağ"i çətin duruma salıb. Meydanda say üstünlüyü əldə edən qonaqlar 71-ci dəqiqədə Rojer Fernandeşin dəqiq zərbəsi ilə hesabı açıb - 0:1. Ümumi hesab 4:3-ə çatıb.

Matçın 83-cu dəqiqəsində Alvaro Calo gözəl bir sallama ilə çempionumuzun qapısına ikinci qolu vuraraq hesabı 0:2-yə çatdırmaqla ümumi hesabı bərabərləşdirib - 4:4. Oyunun əsas hissəsi bu hesabla bitdiyindən mübarizə əlavə vaxtda davam edib. Əsas nəfəs kəsən oyun da bundan sonra başlayıb. Matçın 102-ci dəqiqəsində Mateus Silva "Qarabağ"a hava və su kimi lazım olan qola imza atıb (1:2) və bununla da ümumi hesab çempionumuzun xeyrinə olmaqla yenidən dəyişib - 5:4.

Bu da matçda sonuncu olmayıb. 115-ci dəqiqədə qonaqlar penaltı vurmaq imkanı əldə edirlər və Simon Banza fürsəti qaçırmayib - 1:3. Bu isə ümumi hesabın yenidən bərabər olmasına səbəb olub 5:5. 

Meydanda sayca az qalmasına baxmayaraq mərhələ keçmək istəyindən əl çəkməyən "Qarabağ" 10 nəfərlə hakim də daxil olmaqla 12 nəfərə qarşı oyunda mübarizəni son anadək davam etdirib. 

Nəhayət, oyunun əlavə vaxtının da bitməsinə az qalan bir zamanda (120+2) "Qarabağ" Nəriman Axundzadənin vurduğu qolla ümumi hesabı 6:5-ə çatdırmaqla, həm bütün azarkeşlərini sevindirib və həm də mərhələni kecib.

Təbriklər!!!

Bu gün isə UEFA-nin Nyondaki (İsveçrə) ofisində turnirin 1/8 final mərhələsinin püşkü atılacaq. "Qarabağ"in bu mərhələdəki potensial rəqibləri bunlardır:

"Vest Hem", "Brayton", "Liverpul" (hamısı İngiltərə), "Reyncers" (Şotlandiya), "Atalanta"(İtaliya), "Vilyarreal" (İspaniya) və "Slaviya" (Çexiya).

İNTİQAM Məmmədov