Ağcabədidə  "Zərərli vərdişlərə yox deyirik" adlı tədbir keçirilib

Fevralın 20-də Səfərbərlik və Hərbi Xidmətə Çağırış üzrə Dövlət  Xidmətininvə Ağcabədi rayon İcra Hakimiyyətinin birgə təşkilatçılığıilə "Zərərli vərdişlərə yox deyirik" adlı tədbir keçirilib.

İlk olaraq Ümummilli lider Heydər Əliyevin abidəsi ziyarət olunub, qarşısına çiçək dəstələri düzülüb. 

"AzPress" İnformasiya Agentliyinin "AZpressTİMES.info" saytının bölgə müxbiri xəbəb verir ki, Ağcabədi Bayraq muzeyində təşkil olunan tədbirdə Rayon İcra Hakimiyyətinin başçısı Rafil Hüseynov, hüquq-mühafizə orqanlarının rəhbərləri, Vətən müharibəsi iştirakçıları, Gənclər üçün Təhsil Mərkəzi Qarabağ Regional ofisinin əməkdaşları, Ağcabədi pedaqoji kollecinin tələbələri, rayonunun ümumtəhsil məktəblərinin müəllim və şagirdləri iştirak ediblər.

Tədbirdən əvvəl foyedə narkotik və narkotik vasitələrdən istifadə nəticəsində insan həyatında yaranan fəsadları əks etdirən rəsmlərdən ibarət sərgiyə baxış keçirilib. 

Çıxış edən rayon rəhbəri R.Hüseynov narkomaniyanın ümumbəşəri problem olmasından, yeniyetmə və gənclərin narkotik vasitə və digər zərərli vərdişlərdən qorunması, eləcə də gənc nəslin savadlı, vətənpərvər ruhda böyüməsindən söz açıb. Bildirilib ki, cəmiyyət, hər bir ailə, hər bir fərd özü  bu bəla ilə mübarizə aparmalıdır və davamlı olaraq bu sahədə maarifləndirici görüşlər, tədbirlər keçirilir. 

Sonra Səfərbərlik və Hərbi Xidmətə Çağırış üzrə Dövlət Xidmətinin Ağcabədi Rayon Şöbəsinin rəisi, polkovnik leytenant Qabil Rzayev çıxış edərək tədbirin məqsəd və əhəmiyyətindən,gənclər arasında vətənpərvərlik hisslərinin təbliğindən, onların həqiqi hərbi xidmətə mənəvi-psixoloji cəhətdən hazırlanması sahəsində görülən işlərdən danışıb. Qeyd olunub ki, ölkəmizdə gənclərin fiziki, əqli və mənəvi inkişafına hər tərəfli şərait yaradılır. Qabil Rzayev həmçinin narkomaniya, onun təhlükə mənbəyinə çevrilməsi və qurbanlarının sayının gündən-günə artması barədə də ətarflı şəkildə məlumat verib. 

Daha sonra Ağcabədi Rayon Polis Şöbəsinin Əməliyyat işləri üzrə rəis müavini, polis polkovniki Elmir Dəmirçiyev,  Ağcabədi rayon prokuroru, baş ədliyyə müşaviri Vüqar Hacıyev,Vətən müharibəsi iştirakçısı Bəxtiyar Əliyev, Səfərbərlik və Hərbi Xidmətə Çağırış üzrə Dövlət Xidmətinin Həqiqi Hərbi Xidmətə Çağırış Baş İdarəsinin Çağırışa qədərki hazırlıq idarəsinin rəisi, polkovnik leytenant Füzuli İsmayılov çıxış ediblər. Çıxışlar zamanı bu mövzuda silsilə tədbirlərin keçirilməsinin vacibliyindən,narkomaniyanın insan genofonduna vurduğu zərərlərdən, narkotik vasitələrdən istifadənin insanı cinayətə sövq etməsindən və cinayət məsuliyyətindən söz açılıb. 

Mais İbrahimov