Hidayət Heydərov İJF-nin yeni reytinq cədvəlində liderliyini möhkəmləndirib

Bakı Dəbilqəsində ikinci olan Ömər Rəcəbli isə 60 pillə irəliləyib

Bakıda kişi və qadın cüdoçular arasında keçirilən "Böyük Dəbilqə" turnirindən sonra Beynəlxalq Cüdo İttifaqı (İJF) tatami ustalarının yeni reytinq cədvəlini açıqlayıb. Qeyd edək ki, cüdoçularımızin Bakı Dəbilqəsindəki uqurlu çıxışları yeni cədvəldə öz əksini tapıb. Belə ki, Bakıda 73 kq-da Dəbilqenin qalibi olan Hidayət Heydərov xallarının sayını 6773-ə çatdırmaqla cədvəldə liderlik mövqeyini daha da möhkəmləndirib. O, ikinci yerdə gedən yaponiyali Soiti Xasimotonu 1583 xal geridə qoyub.

100 kq-da çıxış edən Zəlim Kotsayev (5600 xal) Bakıda mükafat qazana bilməsə də, yenə də öz çəkisində ikincidir.

Bakı turnirində qalib olan digər cüdoçumuz, 81 kq-da çıxış edən Zəlim Tskayev (4379) 5-ci pilləyə yüksəlib. Daha bir qalibimix - Murad Fətiyev isə (90 kq) 3656 xalla 7-ci yerə qalxıb.

81 kq-da çıxış edən daha bir təmsilçimiz, sözügedən turnirdə ikinci olan Ömər Rəcəbli (952) birdən-birə 60 pillə irəliləyərək 55-ci pilləyə yüksəlib. +100 kq-da ikinci yeri tutan Camal Qamzatxanovsa (2214) yeni cədvəldə 25-ci pilləyə qalxıb. 

Bakı turnirində üçüncü yeri tutan Balabəy Ağayev (60 kq) əvvəlki kimi 6-ci, Yaşar Nəcəfov (66 kq) isə 7-ci yerdədir.

Qadın cüdoçularımıza gəlincə, zəriflərimiz arasında yalnız Gültac Məmmədeliyevanin vəziyyəti yaxşıdır. Bakı turnirində əliboş qalan Gültac yeni cədvəldə 14-cudur.

Yeri gəlmişkən, tatami ustalarımızın növbəti snaloji yarışı 1-3 mart günlərində Taskəntdə (Özbəkistan) olacaq. Həmin turnirdə Azərbaycan 10 kişi cüdoçu ilə çıxış etməyi nəzərdə tutur.

İNTİQAM Məmmədov