Bakı Dəbilqəsinin Azərbaycan finalının qalibi Zəlim Tskayev olub

Milli Gimnastika Arenasında böyüklər arasında cüdo üzrə keçirilən və Azərbaycanın ev sahibliyi etdiyi Olimpiya təsnifatli "Böyük Dəbilqə" turniri davam edir. Turnirin bu günə təsadüf edən ikinci gününə 81 kq çəkidə baş tutan Azərbaycan finalı ilə yekun vurulub. Finalda yığmamızın daha təcrübəli üzvü Zəlim Tskayev ilə gənc cüdoçu Ömər Rəcəbli qarşısıb. Görüşdə təcrübə öz sözünü deyib. Görüş  vaxtından əvvəl  Tskayevin ələbədi ilə bitib. Bununla da Azərbaycanın aktivində olan medalların sayı 5-ə(2-1-2) çatıb. 

Xatırladaq ki, sözügedən Azərbaycan finalından öncə yiqmamizin liderlərindən biri olan Hidayət Heydərov (73 kq) final görüşünü də qələbə ilə başa vuraraq qızıl medal qazanıb.

Turnirin birinci günü isə Azərbaycan cüdoçularıdan Balabəy Aqayev,(60 kq) və Yaşar Nəcəfov (66 kq) çıxışını üçüncü yerdə bitirməklə bürünc medala sahib çıxıb.

Beləliklə, turnirə ev sahibliyi edən Azərbaycan ilk iki gündən sonra aktivinə ikisi qızıl, biri gümüş, ikisi isə bürünc əyarlı olmaqla beş medal yazdırıb.

Turnirə sabah 90, 100 və +100 kq çəkidə olan kişilərin və 78 və +78 kq qadınların çıxışı ilə yekun vurulacaq.

İlk iki gündən sonra medal sıralanması belədir (ilk onluq):

 Azərbaycan (2-1-2), Kan (1-1-1), Özbəkistan (1-0-2), İspaniya (1-0-1), Avstriya (1-0-0), Xorvatiya (1-0-0), İsveç (1-0-0), Misir (0-3-0), Serbiya (0-1-0), italya (0-1-0).

İNTİQAM Məmmədov