CÜDO

----------------

Azərbyacan cüdoçuları Tokio "Böyük Dəbilqə"sinə qatılacaqlar 

Beynəlxalq Cüdo Federasiyasının (İJF) təqviminə uyğun olaraq, başa çatmaqda olan mövsümün son "Böyük Dəbilqə" turniri 2-3 dekabr günlərində Yaponiyanın paytaxtı Tokioda keçiriləcək. Azərbaycan Cüdo Federasiyasından verilən məlumata görə, iki gün davam edəcək turnirdə 88 ölkəni təmsil edən 536 tatami ustası medallar uğrunda mübarizə aparacaq. Ölkəmiz bu turnirə biri qadın olmaqla 14 tatami ustası ilə qaılacaq ki, bunlar da 8 çəki dərəcəsində çıxış eəcəklər.

Qeyd edək ki, Gündoğar Ölkəyə gedəcək yığma komandamıza ACF-nın vitse-prezidenti Elnur Məmmədli, böyüklərdən ibarət yığmanın baş məşqçisi Riçard Trautman, böyük məşqçi Elçin İsmayılov və qadınlardan ibarət yığmanın baş məşqçisi Rəşad Məmmədov rəhbərlik edəcək.

Heyətə aşağıdakı cüdoçular cəlb edilib:

Qadınlar: Acelya Toprak (57 kq);

Kişilər: Balabəy Ağayev, Nizami İmranov (hər ikisi 60 kq), Yaşar Nəcəfov, Kamran Süleymanov (hər ikisi 66 kq), Hidayət Heydərov, Rəşid Məmmədəliyev (hər ikisi 73 kq), Səid Mollayi, Zelim Tçkayev (hər ikisi 81 kq), Murad Fətiyev, Vüqar Talıbov (hər ikisi 90 kq), Zelim Kotsoyev (100 kq), Ramazan Əhmədov və Uşanqi Kokauri (hər ikisi +100 kq).

Turnirin ilin lisenziya xalı verən son turniridir.

İNTİQAM Məmmədov