Qadın güləşçilərimiz Stadniklə Kolesnik AÇ-nın finalına yüksəlib 

Məmmədli, Cəfərov və Qənizadə isə final görüşünə çıxacaq 

Artıq üç gündür ki, Rumıniyanın paytaxtı Buxarestdə kişi və qadın güləşçilər arasında Avropa çempionatı keçirilir. Qeyd edək ki, ilk iki günü yunan-Romaçıların mübarizə apardığı çempionatın üçüncü günü isə qadınlar mübarizəyə qatılıblar. Qadınların yarışının ilk günü iki təmsilçimiz - yığmanın lideri, 10 qat Avropa çempionu Mariya Stadnik (50 kq) və Alena Kolesnik (59 kq) döşək üzərinə çıxıb. Sevindirici haldır ki, hər iki təmsilçimiz uğurla çıxış edərək yarışların finalına yüksəlib. Mariya çempionluq uğrunda türkiyəli Evin Demirxanla, Kolesniksə ukraynalı Alina Flippoviçlə güləşəcək. 

Bir məqamı da qeyd edək ki, bu gün 5 çəki dərəcəsində medallar uğrunda görüşlərlə yunan-Roma güləşi üzrə yarışlara yekun vurulacaq. Yeri gəlmişkən, 5 çəkinin üçünün finalında Azərbaycan pəhləvanları çıxış edəcək. Triomuzdan Nihat Məmmədli (60 kq) qitə çempionu olmaq üçün moldovalı Viktor Çebanu, Həsrət Cəfərov (67 kq) rusiyaklı Ruslan Biçurini, Ülvi Qənizadə (72 kq) isə türkiyəli Selcuk Canı məğlub etməyə çalışacaq. 

Xatırladaq ki, hazırda yunan-Roma güləşi üzrə Azərbaycan yığmasının aktivində 3 (1-1-1) medal var. 

İNTİQAM Məmmədov