Kişi basketbol millimiz DÇ-2027-nin təsnifat oyunlarının hazırlığına start verib

Fevralın 12-də tarixindən etibarən basketbol üzrə kişilərdən ibarət yığma komandamız Türkiyənin İstanbul şəhərində Dünya kubokunun (Qətər 2027) ön təsnifat oyunlarına hazırlıq məqsədi daşıyan təlim-məşq toplanışına (TMT) start verib.

Azərbaycan Basketbol Federasiyasından verilən məlumata görə, baş məşqçi Tahir Baxşıyevin rəhbərliyi altında toplanışa başlayan yığmamız gündə iki dəfə olmaqla həm fiziki, həm də taktiki məşqlərini müntəzəm şəkildə davam etdirir.

Qeyd edək ki, fevralın 21-dək davam edəcək təlim-məşq toplanışına aşağıdakı basketbolçular cəlb edilib:

Amil Həmzəyev, Orxan Aydın, Zaur Paşayev, Endər Poladxanlı, Nəzər Quliyev, Əkbər Məmmədov, Kamran Məmmədov, Ulaş Turgut, Cəbrayıl Əkbərov, Elşad Şirzadov, Şirzad Şirzadov, Fikrət Ələkbərov, Rəşid Abbasov, Səid İsmayılov, Sadettin Donat, Ercan Donat. Yeri gəlmişkən, millimizin digər iki üzvü Zek Ledey və Donta Hol komandanın düşərgəsinə İsveçrədə qoşulacaqlar. TMT-nın sonunda məşqçilər korpusu ən yaxşı 12 basketboluçunu millinin əsas heyətinə cəlb edəcəklər.

Xatırladaq ki, millimiz ilk təsnifat görüşünü 22 fevral Bakı vaxtı ilə saat 22:00 'da səfərdə İsveçrə yığmasına, ikinci oyununu isə 25 fevral günü Bakıda Kosovo yığmasına qarşı keçirəcək.

İNTİQAM Məmmədov