Güləşçilərin qitə çempionatı davam edir

Dünən Rumıniyanın paytaxtı Buxarestdə kişi və qadın güləşçilər arasında startı verilən və Azərbaycan təmsilçilərinin də iştirak etdiyi Avropa çempionatı yunan-Romacilarin mübarizəsi ilə davam edir. Dünən olduğu kimi, bu gün daha beş güləşçimiz mübarizəyə qatılıb. Onlardan isə üçü ilk görüşünü keçirib. 60 kq-da Nihat Məmmədov startda bolqarıstanlı Nedyalko Petrovu (7:0) məğlub edərək növbəti mərhələyə adlayıb. Onun növbəti rəqibi danimarkalı Nikolay Muhammədi olacaq.

67 kq-da çıxış edən Həsrət Cəfərov serbiyalı Sebastyan Nadani (6:1) məğlub edərək 1/4 finala yüksəlib.

Təəssüflər olsun ki, bu cütlükdən fərqli olaraq Murad Əhmədiyev (97 kq) start görüşündə hollandiyalı Tayron Sterkenburqa uduzub - 1:1.

Daha iki güləşçimiz - Ülvi Qənizadə (72 kq) və Rafiq Hüseynov (82 kq) isə hələki ilk görüşünü keçirmeyib.

Bu gün axşam saatlarındasa dörd təmsilçimiz medallar uğrunda mübarizə aparacaq. Dördlükdən ikisi finalda çempionluq, ikisi isə bürünc medal uğrunda güləşəcək.

Rəşad Məmmədov (55 kq) finalda Artem Deleyanla (Moldova), Murad Məmmədov (63 kq) isə ukraynalı Aleksandr Qrusinlə qarşılaşacaq.

İslam Abbasovla (87 kq) Beka Kandelaki (130 kq) isə bütün medal qazanmağa çalışacaq.

İNTİQAM Məmmədov