ABL-da sürprizlə başlayan tur sürprizlə də bitib

Bu gün Xaçmazdaki Olimpiya İdman Kompleksində baş tutan "NTD-İndiqo" -  "Xırdalan" matçı ilə 14- cü tura yekun vurulub. Turun ən diqqət çəkən məqamlarindan biri sürprizlə başladığı kimi, sürprizlə də bitməsi olub. Belə ki, hamının Xaçmazda "NTD-İndiqo"nun doğma divarlar arasında "Xırdalan" klubunu məğlub edəcəyini gözlədiyi halda, hər şey əksinə olub. Özünü qonaq kimi aparmayan "Xırdalan" meydanı qələbə ilə tərk edib - 77:84 (20:19, 18:20, 20:24, 19:21). Bu oyunun ən yaxşı oyunçusu adına isə ev sahiblərindən Əkbər Məmmədov (17+11) layiq görülüb.

Xatırladaq ki, turun ilk oyunu olan "Sabah"-"Neftçi" matçında da sürpriz nəticə qeydə alınmışdır. Belə ki, "Sabah"ın qələbə çalacaq və birinci dövrədə üzləşdiyi məğlubiyyətin əvəzini çıxacağı gözlənildiyi həmin oyunda qonaq komanda qalib gəlmişdi - 87:101. Bununla da çempion adını daşıyan "Sabah" litvalı mütəxəssis Rimas Kurtinaytesin rəhbərliyi altında ilk məğlubiyyətini yaşamaqla yanaş, həm də liderlik mövqeyini itirib.

Hesabat turu çempionatın debutantı olan "Xəzri" üçün uğurlu olub. Çünki debütant "Şəki" üzlərindəki qələbə sayəsində liderliyi ələ alıb.

Komandaların turnir vəziyyəti belədir:

Xəzri - 26 xal, Sabah - 25 xal, NTD, Neftçi - hərəyə 24 xal, Xırdalan - 23 xal, Sərhədçi - 20 xal, Cəlilabad - 19 xal, Sumqayıt - 18 xal, Gəncə - 17 xal, Şəki - 14.

İNTİQAM Məmmədov