Qadın güləşçilərimiz Macarıstan toplanışında 

Qadın güləşçilərdən ibarət yığma komandamız Macarıstanın Tata şəhərində növbəti təlim-məşq toplanışına (TMT) başlayıb. Azərbaycan Güləş Federasiyasından verilən məlumata görə, yanvarın 14-dən başlayan bu beynəlxalq TMT-da Azərbaycan və Macarıstan yığması ilə yanaşı, İtaliya, Yunanıstan, Litva, Norveç, İsveç, Almaniya, Polşa, Rumıniya, Çexiya, Qazaxıstan, Qırğızıstan, ABŞ, Kanada, Çin, Xorvatiya, Moldova, Çili, Meksika və Ekvador milli komandası da iştirak edir.

Qeyd edək ki,  böyük məşqçi Toğrul Əsgərov və məşqçi Ağahüseyn Mustafayevin rəhbərliyi altında keçirilən və yanvarın 27-dək davam edəcək toplanışa qdın yığmamızın lideri və titullu güləşçimiz Mariya Stadnik (50 kq), Əsmər Cankurtaran (53 kq), Gültəkin Şirinova (55 kq), Alyona Kolesnik Ruzanna Məmmədova (hər ikisi 59 kq), Birgül Soltanova və Günay Qurbanova (hər ikisi 62 kq) cəlb olunub. 

Elnurə Məmmədova (53 kq) zədələndiyi üçün hazırlıq prosesindən kənarda qalıb. Yığmanın daha iki üzvü - Jalə Əliyeva (57 kq) və Elis Manolova (68 kq) isə baş məşqçi Semyon Şterevin nəzarətində Bolqarıstanın Belmeken şəhərində hazırılıq prosesini davam etdirir. Bütün bu toplanışlar qarşıdan gələn Avropa çempionatına və Avropa Olimpiya Təsnifat turnirinə hazırlıq xarakteri daşıyır.

İNTİQAM Məmmədov