11 oktyabr 2026
  1. Ana Səhifə
  2. AZpress - ÖZƏL
  1. Ana Səhifə
  2. Mədəniyyət
AZpress - ÖZƏL Mədəniyyət

Misir Mədəniyyət və Təhsil Əlaqələri  Mərkəzində "Nil sahilindən Xəzər dənizinə" adlı rəsm müsabiqəsinin açılışı baş tutub

4 ay əvvəl 205

Misir Mədəniyyət və Təhsil Əlaqələri Mərkəzində "Nil sahilindən Xəzər dənizinə" adlı rəsm müsabiqəsinin açılışı baş tutub

25.05.2026-cı il tarixində Bakı şəhərində Azərbaycan və Misir mədəniyyətlərini bir araya gətirən möhtəşəm sənət layihəsinin açılışı baş tutub. "Xəmsə Art Group"un təşkilatçılığı, Misir Ərəb Respublikasının Səfirliyi və Misir Mədəniyyət və Təhsil Əlaqələri Mərkəzinin dəstəyi ilə keçirilən "Nil sahilindən Xəzər dənizinə" adlı rəsm müsabiqəsinin sərgisi sənətsevərlərə təqdim olunub.

Layihədə ümumilikdə 42 istedadlı uşaq öz rəngarəng əsərləri ilə iştirak edib.

​Tədbirin rəsmi və bədii hissəsində rəssam Gövhər Məmmədova, Tofiqə Əliyeva və Misir Ərəb Respublikasının Azərbaycandakı Səfirliyinin Təhsil və Mədəniyyət Əlaqələri Mərkəzinin direktoru, Misirin Mədəniyyət Attaşesi Prof. Dr. Tarek Aboul Fotouh çıxış edərək sərgi iştirakçılarını salamlayıb və tədbiri açıq elan ediblər.

Natiqlər iki ölkə arasındakı dostluq və mədəniyyət körpülərinin önəmindən bəhs edərək, balaca rəssamlara gələcək yaradıcılıq yollarında böyük uğurlar arzu ediblər. Tədbirdə media nümyənədləri də iştirak ediblər.

Daha sonra qaliblər müəyyən olundu. ​Münsiflər heyətinin qiymətləndirməsinə əsasən, müsabiqədə yüksək bacarıq nümayiş etdirən fərqlənən iştirakçılar mükafatlandırılıb:

​1-ci yer: Xəlilova Leyla

​2-ci yer: Kərimli Malik

​3-cü yer: Mazanova Ayla

Sərginin bədii hissəsi qonaqlara unudulmaz anlar yaşadıb. "Xarıbülbül Events Group" un bədii rəhbəri Dola Gövhər və qrupun istedadlı rəqs üzvləri – Səfərzadə Mədinə, Əhmədova Zəhra, Ruhulla Elmar və Mirzəzadə Valeh öz möhtəşəm performansları ilə çıxış edərək iki ölkənin milli mədəniyyətini rəqslərin dili ilə tamaşaçılara çatdırıb və hər kəsi valeh ediblər.

​Musiqi hissəsində isə xanəndə Aynur İsmayılova məşhur Ərəb mahnısı "Tamally Maak"ı, Nurlan İsmayılov isə sevilən "Şirin dil" musiqisini xüsusi məharətlə ifa edərək tədbirə fərqli bir rəng qatıblar.

Sonda sərgi iştirakçılarına sertifikatlar təqdim olunub.

Media dəstəkçiləri: AZpress.AZ, AzpressTIMES.info 

Fotomüxbir Mahir Əhmədov

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

Rəsmi Xəbər

Prezident və Rusiyanın Çeçenistan Respublikasının başçısı “Bakı Ağ Şəhər”də +FOTO=11

Prezident və Rusiyanın Çeçenistan Respub...

10 oktyabr 2026 20:42:24
Arxivə Keçid>>>
<