Kilian Mbappe dilemma qarşısında qalıb

"Liverpul"  ona həftəlik 650 min avro ödəyə biləcəkmi? 

Fransanın "PSJ" klubunda forma geyinən Kilian Mbappe dlemma qarşısında qalıb. Forvard hələ də karyerasını hansı klubda davam etdirməklə bağlı qəti qərar qəbul edə bilimir. "ESPN" nəşrinin yazdığı məlumata görə, əvvəllər yalnız Madrid "Real"ından təklif alan Mbappeyə artıq "Liverpul"dan da çiddi təkliflər gəlib. Bu səbəbdən də fransalı forvard seçim qarşısında çətinlik çəkir. Bir məqamı da qeyd edək ki, Mbappe özü həm "Liverpul"un, həm də bu klubun baş məşqçisi Yurqen Kloppun azarkeşidir. Məhz bu səbəbdən də, onun İngiltirə təmsilçisinə üz tutması daha real görünür. Amma bir iş də var var ki, "Liverpul"un Kiliana hər həftə əmək haqqı kimi 650 min avro ödəməyə imkanı çatmayacaq. Odur ki, Kilian həqiqətən də İngiltərə Premyer Liqasında oynamaq istəsə, onda alacağı həftəlik məbləğin bir hissəsindən konüllü imtina etməlidir.

Yeri gəlmişkən, "Real" klubu Mbappenin qarşısında bir şərt qoyub. Mbappe yanvarın ortasına qədər Madrid təmsilçisinə son və qəti qərarını bildirməlidir. 

Xatırladaq ki, sözügedən forvard cari mövsümdə "PSJ"də keçirdiyi 24 oyunda 25 qol və 3 məhsuldar ötürmə ilə yadda qalıb. "Transfmarkt" portalı isə onu 180 milyon avro dəyərləndirib. 

İNTİQAM Məmmədov