"Bude-Qlimt" Avropada sensasiya yaradıb

Dünən gecə saatlarında futbol üzrə UEFA Çempionlar Liqasınin pley-off mərhələsinin cavab oyunları çərçivəsində bir neçə oyun keçirilib və bununla da iki oyunun ümumi nəticəsinə görə turnirin 1/8 finalına yüksələn 4 klubun adı bəlli olub. 

Keçirilən oyunlar arasında ən diqqət çəkən və sensasiya doğuran qarşılaşma İtaliyanın Milan şəhərindəki "Cüzeppe Meanttsa" stadionunda qeydə alınıb. Burada Avropanın qrantlarından hesab edilən yerli "İnter" klubu Norveçin "Bude-Qlimt" klubunu qəbul edib. Nə qədər təəccüblü də olsa, Avropada heç də yaxşı tanınmayan bu klub bir həftə öncə öz meydanında olduğu ki, "İnter"i səfərdə də məqlub etməyi bacarıb. Qeyd edək ki, evdə keçirdiyi ilk oyununda 3:1 hesabla qalib gələn Norveç təmsilçisi cavab matçında da özünü qonaq kimi aparmayıb və meydanı qələbə ilə tərk edib - 1:2. Bu isə ümumi hesabın "Bude-Qlimt"in xeyrinə olmaqla, 2:5-ə çatmasına və "İnter"in Avrokubokla vidalaşmasına səbəb olub. 

Keçirilən digər oyunlarda aşağıdakı nəticələr qeydə alınıb:

"Atletiko" - "Brugge" - 4:1 (ümumi hesab - 7:4);

"Bayer" - "Olimpiakos" - 0:0 (2:0);

"Nyukasl Yunayted" - "Qarabağ" - 3:2 (9:3).

İki oyunun ümumi nəticəsinə görə "Atletiko", "Bayer", "Bude-Qlimt" və "Nyukasl Yunayted" klubu adını turnirin 1/8 finalına yazdırıb.

Bu gün isə cavab oyunları çərçivəsində daha 4 oyun keçiriləcək:

"Atalanta" - "Borussiya" D (ilk oyun - 0:2);

"PSJ" - "Monako" (3:2);

"Real" - "Benfika" (1:0);

"Yuventus" - Qalatasaray" (2:5).

İNTİQAM Məmmədov