"Real" evdə "Monako"nu darmadağın edib

Dünən UEFA Avropa Çempionlar Liqasınin əsas qrup mərhələsinndə startı verilən 7-ci turla Köhnə Qitədə futbol həyəcanı yenidən başlayıb. Turun ilk günü 9 oyun keçirilib ki, bu oyunlar arasında da ən diqqət çəkəni və böyük hesablı nəticə qeydə alinani İspaniyanın paytaxtı Madriddəki "Santyaqo Bernabeu" stadionunda yerli "Real"la Fransanın "Monako" klubunun qarşılaşması olub. "Kral klubu" sözün əsil mənasında qonaqini darmadağın edib - 6:1 (2:0). 

Görüşdə ilk qol 5-ci dəqiqədə vurulub. "Real"in fransalı forvardi və hazırda sözügedən turnirin bombardiri olan Kilian Mbappe hesabı açıb. Matçın 26-ci dəqiqəsində isə o, Vinisius Juniorun ötürməsini qola çevirməklə həm dubl edib, həm də hesabı artırıb - 2:0. Yeri gəlmişkən, bu qollardan sonra Mbappe vurduğu qolların sayını 11-ə çatdırıb. Fasilədən sonra madridlilər qonaqlarını daha 4 dəfə oyuna mərkəzdən başlamaqa məcbur ediblər. 51-ci dəqiqədə Franko Mastantuono hesabı 3:0-a çatdırıb. Matçın 55-ci dəqiqəsində Vinisius Juniorun ötürməsindən sonra qonaq komandanın oyunçusu Telo Kerer avtoqola imza atıb - 4:0.

63-cu dəqiqədə isə Vinisius Juniorun özü fərqlənib. O, Arda Gülərin ötürməsini məntiqi sonluqla bitirib - 5:0. Yalnız bundan sonra qonaqlar 72-ci dəqiqədə müdafiəçi Jordan Tezenin sayəsində bir təsəlli qolu vura biliblər - 5:1. Matcda son B nöqtəni isə Cud Bellinqem (80-ci dəq.) qoyub - 6:1.

Günün və turun digər oyunlarında aşağıdakı nəticələr qeydə alınıb:

"Kayrat" - "Brugge" - 1:4;

"Bude-Qlimt" - "Mançester Siti" - 3:1;

"Sporting" - "PSJ" - 2:1;

"Kopenhagen" - "Napoli" - 1:1;

"Vilyarreal" - "Ayaks" - 1:2;

"Olimpiakos" - 'Bayer" - 2:0;

"Tottenhem " - "Borussiya " (D) - 2:0;

"Inter" - "Arsenal " - 1:3.

Bu gün isə, hesabat turunda daha 9 oyun keçiriləcək. Həmin oyunlarda birində isə Azərbaycan çempionu "Qarabağ" klubu Tofiq Bəhramov adına respublika stadionunda Almaniyanın "Ayntraxt" (Frankfurt-na-Mayne) klubunu qəbul edəcək. Oyun yerli vaxtla saat 20:45-də başlayacaq. Yeri gəlmişkən, "Qarabağ" geridə qalan 6 turdan sonra 7 xalla 36 komanda arasında 23-cu, rəqib isə 4 xalla 30-cu pillədə qərarlaşıb. 

Gəlin çempionumuza bu finala bərabər oyunda uqurlar arzulayaq.

İNTİQAM Məmmədov