Çempionatın ilk 5 qalibi müəyyənləşib

Yanvarın 7-də Bakı İdman Sarayında kişilər arasında idman giləsinin yunan-Roma və sərbəst növü startı verilən seçmə xarakterli Azərbaycan çempionatı davam edir. Yanvarın 8-də günün ikinci yarısında həm  çempionatın rəsmi açılış mərasimi olub,  həm də ilk gündən mübarizəyə qatılan 5 çəki dərəcəsində (55, 63, 72, 82 və 97 kq) final görüşləri keçirilib. 

Açılış mərasimində MOK-un vitse-prezidenti Çingiz Hüseynzadə, Gənclər İdman Naziri Fərid Qayıbov, AGF-nin vitse-prezidenti, Dünya Güləş Birliyinin Büro üzvü Namiq Əliyev, AGF-nin baş katibi Pərvin Piriyev çıxış edib. 

Mərasimin rəsmi hissəsi bədii hissə ilə davam edib. 

Daha sonra idmançı karyerasını yenicə başa vuran tanınmış güləşçilər (dünya və Avropa çempionları, Olimpiya mükafatciları) - Hacı Əliyev, Rafiq Hüseynov, Rəsul Çunayev, Taleh Məmmədov və ən titullu qadın güləşçimiz Mariya Stadnik (10 qat Avropa, 2 qat dünya çempionu və 4 dəfə Olimpiya mükafatçısı) səhnəyə dəvət edildi və onlara Olimpiya çempionlari - Fərid Mansurovla Namiq Abdullayev AGF adından mukafatlar təqdim edib.

Daha sonra isə yuxarıda qeyd edilən 5 çəki dərəcəsində bürünc medallar uğrunda və həlledici final görüşləri keçirilib, bununla da ilk beş qalıb müəyyənləşib.

55 kq-da çempion adını Elmir Əliyev qazanıb. O, finalda Ziya Babaşovu birinci xal prinsipi əsasında məğlub edib (1:1) və ötənilki titulunu qoruyub.

63 kq çəkidə qalib adını finalda Ziya Babaşovu 4:1 hesabla üstələyən Sakit Quliyev qazanıb.

72 kq-da  çempionluq zirvəsinə  Xalid Həsənov üzərində vaxtından əvvəl qalib gələn (8:0) Fəraim Mustafayev yüksəlib. O, bu çəkidə ilk dəfə özünü sınayıb və çempion olub.

82 kq çəki dərəcəsində çempion adını Tuncay Vəzirzadə qazanıb. Onun finaldakı rəqibi Elmin Əliyev zədəli olduğu üçün guləsməyib. Və nəticədə Tuncay 6-ci dəfə Azərbaycan çempionu olub. 

Ən maraqlı final qarşılaşması isə 97 kq-da Murad və Məhəmmd Əhmədliyev qardaşları arasında olub. İlk xal qazanan Məhəmməd olsa da sonda qalib adını Murad qazanıb - 3:1.

Qalib və mükafatçılar AGF tərəfindən pulla mükafatlandırılıb. Birinci yerə 1000, ikinci yerin sahibinə 700, üçüncü yerəsə 300 manat pul verilib. Çempionatın sponsorlarından olan "Qold" şirkəti isə qaliblərə xüsusi hədiyyə verib. 

Çempionat davam edir. Yanvarın 9-da yunan-Romacilar arasında daha 5 çəkidə qaliblər müəyyənləşəcək. Sərbəst güləşçilərsə 5 çəkidə mübarizəyə qatılacaqlar.

İNTİQAM Məmmədov