"Qarabağ" klubu UEFA Çempionlar Liqasında " elədi"dən xal qoparıb

Dünən baş tutan bir neçə oyunla futbol üzrə UEFA Çempionlar Liqasınin əsas mərhələsində dördüncü tura yekun vurulub. Turun maraqlı oyunlarından biri Bakıdakı Tofiq Bəhramov adına respublika stadionunda Azərbaycan çempionu "Qarabağ"la Londonun (İngiltərə) "Çelsi" klubu arasında baş tutub. Maraqlı və olduqca gərgin mübarizə şəraitində keçən görüşdə tərəflər hərəyə 2 qol vuraraq meydanı sülh şəraitində tərk ediblər. Oyun da ilk qolu "Zadəganlar" klubunun oyunçusu Estevao (17-ci dəq) vurub - 0:1. Bundan sonra oyunda dönüş yaradan "köhlən atlar" təşəbbüsü  ələ almağı bacarib. Matçın 29-cu dəqiqəsində rəqibin qapı dəriyinə dəyib qayıdan topu Leandro Andrade bir toxunuşla qapıdan kecirir və bununla da pozulmuş status bərpa olub - 1:1. Təzyiqlərini davam etdirən Azərbaycan çempionu rəqib qapısı ağzında növbəti qol axtarışini davam etdirib. Nəhayət ki, 39-cu dəqiqədə hakim Avropanın div klublarından biri olan "Çelsi"nin qapısına penaltı təyin edib. Fürsəti qaçırmayan Marko Yanukoviç "Qarabağ"i hesabda irəli çıxarıb - 2:1. Rəqiblər bu hesabla fasiləyə yollanıblar. Fasilədən sonra London təmsilçisi "Qarabağ"ın qapısında qol axtarışini başlayıb. Nəhayət ki, 53-cü dəqiqədə Qarnaco londonlularin istəyini reallaşdıra bilib - 2:2. Bundan sonra qapılara qol vurulmayıb. "Qarabağ" "Çelsi"dən bir mühüm xal qopara bilib. 

Hazırda 4 oyundan hərəyə 7 xal toplayan "Çelsi" və " Qarabağ" klubu əvvəlki kimi yenə də yarış cədvəlində müvafiq olaraq, 11 və 12-ci yeri tutur. 

 4 oyunun hamısını qələbə ilə başa vuran "Bavariya", "Arsenal" və "İnter" klubu hərəyə 12 xalla ilk üçlüyü bölüşür. 

Turnirdə növbəti (5-ci) turun oyunları 25-26 noyabr günlərində keçiriləcək. "Qarabağ" klubu noyabrın 25-də İtaliyanın "Napoli" klubunun qonağı olacaq.

Yeri gəlmişkən, hələ də özünü bu turnirdə göstərə bilməyən "Napoli" 4 oyundan sonra 4 xalla yarış cədvəlində 36 klub arasında 23-cu yerdədir.

Xatırladaq ki, "Qarabağ" klubu ilk turda "Benfika"-ni səfərdə 3:2, "Kopenhagen"i evdə 2:0 hesabla məqlub edib. Üçüncü turda isə səfərdə İspaniyanın "Atletik" klubuna məqlub olub - 1:3.

İNTİQAM Məmmədov