Rafael Nadal 351 gündən sonra ilk qələbəsini qazanıb 

O, ATR-da qazandığı qələbələrin sayına görə 4-cü yerə yüksəlib

Avstraliyanın Brisben şəhərində 2024-cü ilin ilk tennis yarışı olan ATR 250 turnirinə bu gün start verilib. Turnirin ilk günü hamının maraqla gözlədiyi bir qarşılaşma baş tutub. Söhbət ötən ilin yanvarında Melburnda keçirilən və "Böyük Dəbilqə" seriyasından olan "Australian Open-2023"də aldığı ciddi zədə üzündən 351 gün kortdan kənarda qalan ispaniyalı Rafael Nadalla Avstriyadan oaln raketka ustası Dominik Tim arasında baş tutan oyundan gedir. Beləliklə, 11 aydan da çox kortdan kənarda qalan Nadal qarşılaşmadan qalib ayrılıb - 7:5, 6:1. Bu Nadalın karyerasında ATR (Peşəkar Kişi Tennisçilər Assosiasiyası) turnirində qalib gəldiyi 1069-cu qarşılaşması olub. Bununla da "Böyük Dəbilqə"nin 22 qat qalibi adını daşıyan Rafa bu göstəricisinə görə çexilaylı İvan lendeli (1068 qələb) geridə qoyub. 

Xatırladaq ki, ATR turnirində daha çox qalib gələn tennisçilərin Top-5 ciyahısında vəziyyət belədir: 

1. Cimmi Konnors (ABŞ) — 1274 qələbə

2. Roje Federer (İsveçrə) — 1251

3. Novak Cokoviç (Serbiya) — 1089

4. Rafael Nadal (İspaniya) — 1069

5. İvan Lendel (ÇexiyaЧ) — 1068.

Qeyd: 37 yaşlı Nadal 2002-ci ildən ATR turnirlərində iştirak edir. Bütün karyerasında 22 dəfə "Böyük Dəbilqə"ni udub. 

İNTİQAM Məmmədov