Bədii gimnastika üzrə Avropa Kuboku -FOTOREPORTAJ

1-4 may tarixlərində Bakıda qitənin ən bacarıqlı bədii gimnastları “Bədii gimnastika üzrə Avropa kuboku” uğrunda mübarizə aparmaq üçün bir araya gəliblər. 4 gün davam edən kubokda 25 ölkədən zərif gimnastlar iştirak ediblər. Turnirdə 25 ölkədən 175 gimnast medal uğrunda öz qüvvələrini sınayıb.

Yarışın ilk günündə fərdi yarışlarda böyüklər yaş kateqoriyasında gimnastlar halqa və topla çıxışlar ediblər.

Fərdi yarışda Azərbaycanı Gövhər İbrahimova və Kamilla Seyidzadə təmsil edib. 

Yarışın ikinci günündə böyüklər arasında fərdi proqramda gürzlər, halqa, top və lentlər üzrə qaliblər bəlli olub. Böyüklər arasında gürzlər üzrə Ukrayna (Taisiia Onofriichuk) qızıl, İtaliya (Tara Dragas) gümüş, Bolqarıstan (Malinova Dara) bürünc medal qazanıb. Lentlərlə yarışda Ukrayna (Taisiia Onofriichuk) qızıl, İtaliya (Tara Dragas) gümüş, Rumıniya (Amalia Lica) bürünc medal qazanıb. Topla yarışda İtaliya (Sofia Rafelli) qızıl, Özbəkistan (Lola Djuraeva) gümüş, Ukrayna (Taisiia Onofriichuk) bürünc medal qazanıb. Halqa ilə yarışda Ukrayna (Taisiia Onofriichuk) qızıl, İsrail (Lian Rona) gümüş, İtaliya (Tara Dragas) bürünc medal qazanıb.

Böyüklər arasında qrup hərəkətlərində 3 top - 2 halqa şəklində çıxış edən Azərbaycan komandası qızıl medala layiq görülüb. 

Çarpaz qarşılaşmalarda Azərbaycan komandası Estoniya komandasına qalib gəlib, Ukrayna - Bolqarıstan komandalarının qarşılaşmasında qalib Bolqarıstan, İtaliya - Gürcüstan komandasının qarşılaşmasında isə qalib İtaliya olub. Ardınca Azərbaycan, Bolqarıstan , İtaliya komandaları arasında keçirilən final görüşündə Bolqarıstan qızıl, İtaliya gümüş, Azərbaycan isə bürünc medal qazanıb.

Finalın qalibinə medalını gənclər və idman naziri, Avropa Gimnastikasının prezidenti Fərid Qayıbov təqdim edib.

AZpress.AZ, Fotomüxbir Mahir Əhmədov