Şahmatçılarımız son turda əcnəbi liderləri dayandıra biləcəklərmi?

"Kristal Hall" arenada Azərbaycan Şahmat Turu çərçivəsində təşkil edilən və iştirakçıların reytinq göstəricilərinə görə üç müxtəlif səviyyəli qrupda (A, B və C) keçirilən "Baku Open-2025" beynəlxalq şahmat turniri artiq finişə yaxınlaşıb. Mükafat fondu 55 min dollar (93,5 min manat) təşkil edən və İsveçrə sistemi üzrə keçirilməklə 9 turdan ibarət olan turnirdə bu gün sayca 8-turun partiyaları baş tutub. 

Qeyd edək ki, ən yüksək səviyyəli hesab edilən və 31-i azərbaycanlı olmaqla 60 zəka sahibinin mübarizə apardığı A qrupunda həmyerlilərimizdən yalnız 11-i hesabat turunu qələbə ilə başa vurub. 

Qeyd edək ki, turnirin başa çatmasına bir tur qalmış yarış cədvəlinin liderlər qrupunda gərginlik yaranıb. Beləki, yarış cədvəlinə aktivində 6,5 xalı olan və turnirin reytinq favoriti hesab edilən britaniyali Aleksandr İndjic şəriksiz liderlik edir. İkinci yeri ondan yarım xal geri qalan Gürcüstan şahmatçısı Baadur Jobava tutur. Liderden bir xal geri qalan ( hərəyə 5,5 xal) Xəzər Babazadə, Murad İbrahimli, Məhəmməd Muradlı, Aydın Süleymanlı və Misrətdin İsgəndərov isə 3-7-ci  yerləri bölüşür. Turnirdə reytinq göstəricisinə görə ikinci olan Nicat Abbasov isə 4,5 xalla 22-ci pillədə yer alıb.

Sabah baş tutacaq (saat 14:00) son turda çempionluğun taleyi İsgəndərovla İndjic və eləcə də Babazadə ilə Jobava arasındakı oyunda həll ediləcək.

Son turun daha bir maraqlı oyununda hərəyə 5,5 xal toplayan Məhəmməd Muradlı ilə Murad İbrahimli arasında olacaq.

Qeyd edək ki, turnirdə 16 ölkəni təmsil edən 700-dək şahmatçı mübarizə aparır 

İNTİQAM Məmmədov