"Əgər "Qarabağ" RPL-da oynasaydı, liderlərdən biri olardı"

Bu sözləri "Qarabağ"in rusiyalı qolkiperi Andrey Lunyov Rusiyada nəşr olunan "Sport Ekspress" nəşrinə açıqlamasında deyib. Lunyov qeyd edib ki, hazırda onun şərəfini qoruduğu "Qarabağ" FK Rusiya Peşəkar Liqasında çıxış etsəydi ən yüksək yerlər uğrunda mübarizə aparardı. 

"Rusiya futbolunda başqa atmosfer var. Oradakı oyun səviyyəsini bura ilə müqayisə etmək çətin olsa da, ancaq onu deyə bilərəm ki, "Qarabağ " FK Rusiyada ən yüksək yerlər uqrunda mübarizə aparan liderlərdən biri olardı. Mən bu komandaya gələndə əsl futbolun Avrokuboklardan baslayacağını deyirdilər.  Mən isə bunu eşitməkdən məmnun olmuşdum. Bilirdim ki, bu liqada bütün kolmandalar müasir futbol oynamağa çalışırlar. Komandalar pressinqdən çıxıb rəqibi pressinqə salır" - Andrey Lunyov belə deyib. 

32 yaşlı qolkiper bu arada Azərbaycan çempionatının səviyyəsinin artırılmasıni da qeyd edib. O, bildirib ki, indi bu çempionatda istənilən rəqiblə oynamaq çox çətindir.

Xatırladaq ki, rusiyalı qolkiper 2023-cu ilin yayında "Qarabağ "a keçib və Aqdam təmsilçisi ilə 2024-cu ilin 30 iyun tarixinə qədər müqavilə bağlayıb. 15 oyunda meydana çıxan Lunyov qoruduğu qapıdan 14 top buraxıb. 7 oyunda isə qapısından qol buraxmayıb. Hazırda məhsur "Transfermarkt" portalı onu 1 milyon avro civarında dəyərləndirir. 

Yeri gəlmişkən, "Qarabağ" 18 turdan sonra 41 xalla çempionata vahid liderlik edir. "Zirə" 29 xalla ikinci, "Neftçi" isə 28 xalla üçüncüdür.

Rusiya çempionatına isə 18 oyundan sonra 38 xalla "Krasnodar" liderlik edir. "Zenit" və "Dinamo" isə müvafiq olaraq 36 və 32 xalla 2-3-cü yerləri bölüşür. 

İNTİQAM Məmmədov