Yeddi şahmatçımız "Baku Open-2025"-ə qələbəylə başlayıb 

Dünən "Kristal Hall"da Azərbaycan Şahmat Turu çərçivəsində beynəlxalq "Baku Open-2025" turnirinə start verilib. Mükafat fondu 55 min dollar (93,5 min AZN) təşkil edən bu turnirdə 16 ölkəni təmsil edən 700-dək şahmatçı reytinq səviyyəsinə görə üç müxtəlif qrupda (A, B və C) mübarizəyə qatılıb. Reqlamentə görə, A qrupunda reytinq xalı 2250-dən yuxarı olan 60 (bundan 31-i Azərbaycan təmsilçisidir) zəka sahibi İsveçrə sistemi üzrə 9 turda mübarizə aparacaqlar. Yeri gəlmişkən, reytinq favoriti Böyük Britaniyalı Aleksandr İndjic (2644)  olan A turnirində Azərbaycanin tanınmış şahmatçılarından Nicat Abbasov (2620, reytinqdə ikinci), Aydın Süleymanlı (2617, üçüncü), Məhəmməd Muradlı (2588, beşinci), Əhməd Əhmədzadə (2564, altıncı), Misrətdin İsgəndərov (2528, onuncu) və Read Səmədov (2521, on birinci) kimi tanınmış şahmatçılarımiz yer alıb. 

İlk turu təmsilçilərimizdən Süleymanlı, Muradlı, İsgəndərli, Xəzər Babazadə, Murad İbrahimli, Rəvan Əliyev və Şahin Vəliyev qələbə ilə başa vurub. Hazırda ikinci turun partiyaları oynanılır. Yarışa mayın 6-da yekun vurulacaq.

Turnirin B qrupunda reytinq gostəricisi 2249-dan aşağı olan 260 şahmatçı mübarizə aparır. S qrupunda isə 12 yaşadək olan 300-dək uşaq çıxış edir.

Turnir ərəfəsində həmin məkanda eyni zamanda veteranlar arasında Azərbaycan çempionatı da keçirilir. Yarusda 47 nəfər mübarizə aparır. 

Qeyd: Bu ildən etibarən ölkəmizdə "Baku Open-2025"də daxil olmaqla 7 müxtəlif turnirdən ibarət olan Azərbaycan Şahmat Turu keçiriləcək.

İNTİQAM Məmmədov