Səudiyyə Ərəbistanı 2034-cü il dünya çempionatı üçün rekord sayda 64 komandaya ev sahibliyi edəcək

Səudiyyə Ərəbistanının idman naziri şahzadə Əbdüləziz bin Turki Əl-Feysəl Beynəlxalq Futbol Assosiasiyaları Federasiyasının (FİFA) turnirdə iştirakçıların sayının artırılmasına qərar verəcəyi təqdirdə, ölkəsinin 2034-cü ildə keçiriləcək dünya çempionatında 64 milli komandanı qəbul etməyə hazır olacağını bildirib.

Bundan əvvəl KİV-lər FİFA-nın 2030-cu ildə keçiriləcək dünya çempionatının iştirakçılarının sayını 64 komandaya çatdırmaq imkanını nəzərdən keçirəcəyini bildirmişdilər. Bu, 1930-cu ildə ilk dünya çempionatının 100 illiyi şərəfinə baş verə bilər. FİFA prezidenti Canni İnfantino bu təşəbbüsü maraqlı adlandırıb və ətraflı təhlil etməyi tapşırıb. Cənubi Amerika Futbol Konfederasiyasının (CONMEBOL) prezidenti Alexandro Dominqes də layihəni dəstəkləyib.

Avropa Futbol Assosiasiyaları İttifaqının (UEFA) prezidenti Aleksander Çeferin, Şimali, Mərkəzi Amerika və Karib Hövzəsi Futbol Konfederasiyasının (CONCACAF) rəhbəri Viktor Montaqliani və Asiya Futbol Konfederasiyasının (AFC) rəhbəri Salman bin İbrahim Əl Xəlifə dünya çempionatında iştirakçıların sayının artırılmasının əleyhinə çıxış ediblər.

2034-cü ildə FİFA Dünya Kubokunun Səudiyyə Ərəbistanında keçiriləcəyi rəsmi olaraq 2024-cü il dekabrın 11-də elan edilib. Ölkə turnirə ev sahibliyi etməyə yeganə namizəd olub. Dünya çempionatı 38 gün davam edəcək, çünki 2026-cı ildən turnirdə 48 komanda iştirak edəcək. KİV-də yazır ki, dünya çempionatı yayda deyil, həddindən artıq istilər və Ramazan bayramı ilə əlaqədar yanvarda baş tuta bilər.

Növbəti dünya çempionatı 2026-cı il iyunun 11-dən iyulun 19-dək ABŞ, Kanada və Meksikada keçiriləcək. Turnirdə rekord sayda komanda iştirak edəcək - 48. Ümumilikdə turnir 104 qarşılaşmadan ibarət olacaq. Turnirin ilk oyunu iyunun 11-də Mexiko şəhərində, “Azteca” stadionunda, final qarşılaşması isə iyulun 19-da ABŞ-ın Nyu-Cersi ştatında, “MetLife” stadionunda keçiriləcək. Bürünc medal uğrunda görüş Mayamidə baş tutacaq.

2030-cu ildə futbol üzrə dünya çempionatı İspaniya, Portuqaliya, Mərakeş, Argentina, Paraqvay və Uruqvayda keçiriləcək. Açılış matçı Uruqvayın Montevideo şəhərindəki "Estadio Centenario" stadionunda keçiriləcək. Bütün altı ölkə avtomatik olaraq turnirə vəsiqə qazanır və bu, üç qitədə - Avropa, Afrika və Cənubi Amerikada keçiriləcək ilk Dünya Kuboku olacaq. Portuqaliya və Mərakeş ilk dəfə futbol üzrə dünya çempionatına ev sahibliyi edəcək.

Sonuncu dünya çempionatı 2022-ci ildə Qətərdə keçirilib. Məhz o zaman dünya çempionatı ilk dəfə Yaxın Şərqdə keçirilib. Turnirin final mərhələsində 32 komanda iştirak edib. Argentina finalda əvvəlki çempionatın qalibi olan fransızları (əsas vaxtda 3:3, penaltilərdə 4:2) məğlub edərək, dünyanın ən yaxşısı adını qazanıb.