İlqar Əlfioğlu: 

Vəzifədə olanda, bircə gün özü üçün işləmədi...

Köhnədən tanıdığım Felmar Ələkbərov dünyasını dəyişib. Sovet vaxtı Bakıdakı şinzavodun direktoru idi...

Onunla bağlı şirin bir xatirəm var, işsiz qalan vaxtlarımıza aiddir.

Günlərin birində Nərimanov metrosu ilə mərkəzə gedəsi idim. Elə perrona ayaq basan kimi, bir də gördüm bir nəfər məni görəndə sütunun arxasında gizləndi. Maraqlandım, beş-on addım o yandan sütunların arxasıyla qayıtdım. Məni görmürdü, arxa tərəfdən yaxınlaşdım, yanında ötəndə üzünə baxdım, çarə yox idi, salamlaşdıq.

Hiss eləmişdim ki, metroya möhtac qaldığından sıxılır, istəmir ki, tanış-tunuş görsün.

Ordan-burdan söhbət elədik, zarafatlaşdıq, eyni açıldı.

Bir xeyli sonra, vidalaşanda, özünü saxlaya bilmədi, qayıtdı ki, ay İlqar, görürsən də zəmanəni, metroya möhtac qaldıq...

Dedim: Ay Felmar, mən özümü bəxtəvər sayıram, sən də say, çünki məni bütün Azərbaycan tanıyır, sənsə bu rayonda neçə illər o boyda əjdəha müəssisənin direktoru olmusan, amma hər ikimiz gül kimi metroya sərbəst minə bilirik. Əmin ol ki, işləyəndə haramzadalıq etsəydik, indi yetirən metroda üzümüzə tüpürürdü. İndiki məmurların heç biri işdən çıxandan sonra camaat arasına bizim qədər arxayın çıxa bilməyəcək. Bu özü də böyük xoşbəxtlikdir vallah! Qədrini bilmək lazımdı..."

Ruhu şad olsun Felmarın, vəzifədə olanda, bircə gün özü üçün işləmədi...

* * *

Saida Gojamanly

Məmur olub təmiz adam kimi yadda qalmaq hər oğulun işi deyil. Ruhu şad olsun...Allah səni qorusun, bizim qiymətlimizsən, ay Əlfioglu!

Fail Azizov

Dəyərli İlqar Əfioğlu!

Belə İNSAN-lar çox az-az olurlar.

Hazırkı zamanda isə axtarsan belə tapmazsan.

Allah rəhmət eləsin,ruhu şad məkanı cənnət olsun. Amin!

Азим Джабаров

Mən də onu yaxından tanıyırdım.Nərimanov RPK-nın təlimatçısı kimi Şinzavod mənim kurasiyamda idi.Felmardn əvvəlki direktor Volkovla da tanış idim.Çox təlatümlü dövr idi, indikilər çətin təsəvvür etsin.Felmar Qorbaçov dövründə yardılmış texniki nəzarət şöbəsinin işçisi idi.Əvvəlki OTK-dn fərqli olaraq bir az müstəqil və Standrtlaşma komitəsinə tabe idilər.Onu direktor vəzifəsinə cəbhəçilər də müdafiə etmişdilər.Yadımdadır, Moskviç maşınları üçün təkər buraxmağa başlamışdılar və Jiquliyə də gedirdi.Bunun hesabına zavodun milyonlarla borcunu ödəyə bilmişdi.Buna qədər zavod əsasən traktorlar üçün təkər istehsal edirdi. Allah rəhmət eləsin.

Акрам Багиров

60 il bundan əvvəl bir erməni bağ qoşumuz var idi, adı da Babayan, şin zavodunda işləyirdi, böyük rulonlarla brezent gətirib satırdi, kənd camaatı da onu palaz, palatka kimi istifadə edirdi , ermənilər gedəndə də deyirdi” mən getməyəcəyəm.” Allah əməli saleh insanların ruhunu şad etsin. Amin.

QEYD. Başlıqlar "Facebook" sosial şəbəkəsindəki başlıqla eynilik təşkil edir.