U-23-lərin güləş üzrə Avropa çempionatı keçiriləcək 

8-14 mart günlərində Albaniyanın paytaxtı Tiranadaki "Feti Borova" idman arasında U-23 güləş üzrə Avropa çempionatı keçiriləcək. 400-dək güləşçinin mübarizə aparacağı bu çempionata Azərbaycan 27 (10 sərbəst güləş, 7 qadın güləşi, 10 yunan-Roma) idmançı ilə qatılacaq. 

Baş məşqçi Xetaq Qazyumov, böyük məşqçi Cəbrayıl Həsənov və məşqi Teymuraz Kokoyevin rəhbərliyi altında yarışa qatılacaq sərbəst güləş üzrə yığma komandamızın heyətində Rəhman İmanov (57 kq), Ceyhun Allahverdiyev (61 kq), Murad Haqverdiyev (65 kq), Kənan Heybətov (70 kq), Aqanəzər Novruzov (74 kq), Fərid Cabbarov (79 kq), Arseniy Cioyev (86 kq), Sadiq Mustafazadə (92 kq), Abdulcəlil Şabanov (97 kq) və Yusif Dursunov (125 kq) cəmləşib.

Baş məşqçi əvəzi Toğrul Əsgərov, məşqçi Ağahüseyn Mustafayev və Solmaz Adilovanin rəhbərlik etdiyi qadın yiqmamizin heyətinə gəlincə, burada Əsmər Canqurtaran (50 kq), Elnurə Məmmədova (53 kq), Nərgiz Səmədova (55 kq), Gültəkin Şirinova (57 kq), Günay Qurbanova (59 kq), Birgül Sultanova (62 kq) və Ruzanna Məmmədova (65 kq) yer alıb.

Baş məşqçisi Aleksandr Tarakanov, böyük məşqçisi Rövşən Bayramov və Elvin Mürsəliyev olan yunan-Roma güləşi üzrə U-23 yiqmanin heyətinə isə Elmir Əliyev (55 kq), Hüseyn Qəribov (60 kq), Ziya Babaşov ( 63 kq), Fərid Xəlilov (67 kq), Ruslan Nurullayev (72 kq), Xasay Həsənli (77 kq), Elmin Əliyev (82 kq), Cocu Səmədov (87 kq), Aqil Musayev (97 kq) və Ayxan Mərdanov (130 kq) cəlb edilib.

Daha iki həmyerlimiz - Bəşir İsazadə və Həbib Nurlu isə yarışa hakim qismində qatılacaq.

İNTİQAM Məmmədov