Elçin Səlimli: 

"FEVRAL SOVQATI"

FEVRAL AYI ...

Salam , əziz dostlarımız və bizi FB-dan izləyənlər . Hamınızı xoş gördük . Qışın ikinci ayı gedir . Uğurlu və düşərli olsun . Ruzimiz bol , sağlamlığımız da öz yerində olsun . Dünyamız sakit olsun . AMİN ! ...

Sizlər üçün yeni yazılarımdan

"FEVRAL SOVQATI"-nı paylaşıram .

Allah sizləri qorusun . Bizi gözləri götürməyən düşmənlərimizə ithafən (Xarici düşmənlər) .

BOYDA .

Nə qazandıq , nə itirdik ,

İki başlı bu oyunda .

Uzun yalanlar eşitdik ,

Hərəsi bir dəvə boyda .

Heç baxmadız üzümüzə ,

Soxulursuz gözümüzə ,

Düşmən kəsilmisiz bizə ,

Hərəniz bir dövlət boyda .

Artıb yaman iştahınız ,

İşləməyir heç başınız ,

Başınıza düşsün daşımız ,

Yığdığınız sərvət boyda .

Yorulub , barı dayanın ,

Əbləhsiniz , bir oyanın ,

Bu milləti aldatmayın ,

Yarı qürbət , yarı burda .

ŞÖHRƏT YALQUZAQLARI .

İl boyu küllənirsiz ,

Heç nəyi bilməyirsiz ,

Başımıza bəlasız ,

Şöhrət yalquzaqları .

İşinizin yox adı ,

Seçmirsiz yanan , yadı ,

Qaçıb hər şeyin dadı ,

Şöhrət yalquzaqları .

Söz demək olmur sizə ,

Dayanırsız tez üzə ,

Bənzəyirsiz ilbizə ,

Şöhrət yalquzaqları .

Doymayır heç qarnınız ,

Hey yal axtarırsınız ,

Çıxaydı kaş canınız ,

Şöhrət yalquzaqları .

Nə edim , mən biçarə ,

Edirlər zülm , naçarə ,

Tapın dərdimə çarə ,

Şöhrət yalquzaqları .

05 . 02 . 2025 .