AZAL-ın təyyarə qəzasında xəsarət alanların vəziyyəti açıqlanıb

Ümumilikdə Aktauda (Qazaxıstan) baş vermiş təyyarə qəzasında xəsarət alan 8 nəfərin (3 kişi, 5 qadın) “Yeni Klinika” tibb müəssisəsində müalicəsi davam etdirilir.

Bu barədə TƏBİB məlumat yayıb.

“Onların hər biri ixtisaslı mütəxəssislər (ortoped-travmatoloq, neyrocərrah, reanimatoloq, torakal cərrah, infeksionist) tərəfindən zəruri instrumental diaqnostik müayinədən keçirilib və hazırda həkimlərin nəzarətindədir. 30 dekabr 2024-cü il tarixində Yeni Klinika tibb müəssisəsinə yerləşdirilən xəstələrdən birinin vəziyyəti orta-ağır, stabildir. Travmatik komada doğulan 2 xəstənin vəziyyəti ağır-stabil qiymətləndirilir. Baş kəllə-beyin travması, müxtəlif dərəcəli sınıq, döş qəfəsinin küt travması və hemopnevmotoraks diaqnozu ilə hər iki xəstənin müalicəsi protokola uyğun olaraq reanimasiya şöbəsində davam etdirilir.

“Yeni Klinika” tibb müəssisəsində əvvəllər xəstəxanaya yerləşdirilən 14 nəfərdən 5-i hazırda stasionar müalicə alır. Onların vəziyyəti qənaətbəxşdir.

Ambulator müalicəyə buraxılan şəxslərin sağlamlıq vəziyyətinin tibb müəssisələri tərəfindən monitorinqinin aparılması ilə bağlı müvafiq göstərişlər verilib. Evə buraxılanlara rayon tibb müəssisəsinin həkim və psixoloqundan ibarət qrup baş çəkib”, - deyə məlumatda bildirilir.