Tahir Əmiraslanov:

Azərbaycan Milli Kulinariya Assosiyasiyası QARABAĞDA

Azərbaycan Milli Kulinariya Assosiyasiyası, hər ilolduğu kimi, (AMKA)2024-cü ilin sonunda yenə Qarabağımızdaydı .

Burada gedən quruculuq işlərinin vüsətı fantastik görünür. Əhalinini bir hissəsi müasir, gözəl şəraitli evlərə qayıdıb. Ən müasir məktəblər , bağçalar , tibb müəssisələri, otellər , digər infrastruktur obyektləri yaradılıb , gözəl yollar salınıb. Camaatımız öz torpağına, ev-eşiyinə qayıtmağa davam edir.

Dünya Azərbaycanlılarının Həmrəyliyi Günü və Yeni İl bayramı ərəfəsində Cəbrayıl şəhərində milli mətbəx nümunələrimizi tərənnüm edən "Ənənələrə Qayıdış" adlı kulinariya tədbiri keçirilib.

Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti tərəfindən təşkil olunmuş tədbirdə peşəkar aşpazlar və 3 rayonu təmsil edən sakinlərdən ibarət komandalar milli mətbəximizin şahı sayılan plov bişiriblər. Tanınmış kulinar, əməkdar mədəniyyət işçisi Tahir Əmiraslanovun rəhbərliyi altında komandalar Cəbrayıl mətbəxindən “Səbzi plov”, Qubadlı mətbəxindən “Qəlyə plov”, Zəngilan mətbəxindən isə “Maşlı plov” hazırlayıb.

Plovların hazırlanmasında TAYQA şirkətinin təqdim etdiyi ətirli “ŞAH PLOV” düyülərindən istifadə edildi, iştirakçılara və qonaqlara TAYQA -nın hədiyyəsi olan “HACI” çayları dəmlənıb paylandı.

Zəngilan, Qubadlı və Cəbrail komanda üzvləri və AMKA-nın peşəkarları Diplomlarla və TAYQA Şirkətinin hədiyyə dəstləri ilə mükafatlandırıldı.

Tədbirin təşkilatçılarına Qeyri-Hökumət Təşkilatlarına Dövlət Dəstəyi Agentliyinin mənəvi , təşkilati və maliyyə dəstəti ilə hazırlanmış “Qərbi Azərbaycanın Şirin İnciləri” kitabları hədiyyə edildi.

Tədbirin sonunda komandaların hazırladığı mətbəx nümunələri AMKA -nın peşəkar Aşoazları tərəfindən qiymətləndirildi və komandalara müxtəlif nominasiyalarda hədiyyələr təqdim edildi .

Hazırlamış möhtəşəm plovlar Cəbrayılda yaşayan sakinlərə və qonaqlara paylanıldı

Eyni zamanda, tədbir çərçivəsində Cəbrayıl şəhəri və Cocuq Mərcanlı kəndindən olan uşaqlara Şaxta Baba və Qar qız Yeni il hədiyyələri təqdim edib.

Bütün təşkilatçılara, iştirakçılara və Qarabağımızın gözəl camaatına bir daha təşəkkürlərimizi ifadə edir, hamımızı 31 dekabr Dünya Azərbaycanlılarının Həmrəylik Günü və Yeni 2025-ci Təqvim İli münasibətiylə təbrikləyirik.