SU HƏYATDIR! - Ekoloji konfransın təşkili layihəsinin növbəti seminarı keçirildi

“Qadın və Gənc Ailələrin Sosial İnkişafı” İctimai Birliyi,  Azərbaycan Gənclər Fondunun maliyyə dəstəyi ilə SU HƏYATDIR! - Ekoloji konfransın təşkili layihəsinin növbəti seminarı keçirilmişdir.
Layihənin əsas məqsədi, ətraf mühitin, su ehtiyatlarının qorunması və onlardan səmərəli istifadə edilməsi, müvafiq qlobal ekoloji problemlərin həllinə dəstək vermək üçün gənclərin ekoloji maarifləndirilməsidir. 
Layihə üç ay müddətində Xaçmaz rayonunda həyata keçiriləcəkdir. Ümumilikdə üç seminarı əhatə edəcək layihəyə 120 nəfər gənc cəlb olunacaqdır. 
Azərbaycan Gənclər Fondunun “Yaşıl Dünya Naminə Həmrəylik ili” çərçivəsində elan etdiyi qrant müsabiqəsinin qalibi olan SU HƏYATDIR! - Ekoloji konfransın təşkili layihəsinin üçüncü seminarı Xaçmaz Peşə liseyində keçirildi. Layihədə iştirak edən gənclərə ekoloji maarifləndirici seminar keçirildi. 
Xaçmaz rayon İcra Hakimiyyəti ictimai-siyasi və humanitar məsələlər şöbəsinin baş məsləhətçisi Yaqut Məsimova Xaçmaz rayonunun ərazisindən keçən bir çox çayların quruma təhlükəsindən, ekologiyanın zərərli tullantılardan təmizlənməsinin vacibliyindən danışdı.
Qadın və Gənc Ailələrin Sosial İnkişafı İctimai Birliyinin sədri Tünzalə Cavadova bildirdi ki, layihədə əsas məqsəd hal-hazırda Xaçmaz rayonun Nabran qəsəbəsində yerləşən dəniz sahili ərazilərin çirklənməsinin qarşısının alınmasında dəstək göstərilməsi gənc nəslin üzərinə düşür.
Peşə liseyinin müəllim kollektivi də bu layihənin vacibliyindən və gənc nəslin su ehtiyatlarından səmərəli istifadə etməli olmalarından və təbiəti çirklənmədən qorumaqla, qarşıda baş verə biləcək müxtəlif təbii fəlakətlərin qarşısını ala biləcəklərindən danışdılar. Bu tədbirin COP29 beynəlxalq tədbiri ərəfəsində həyata keçirilməsinin tədqirə layiq olmasından və suyun insan həyatı üçün böyük əhəmiyyətindən danışdılar.
Qeyd edək ki,  layihə Azərbaycan Gənclər Fondu tərəfindən dəstəklənir.