Jale Jafarova:

Çox dəyərli Фируз müəllim bir- birindən dərin, düşündürücü kəlamları təkrar- təkrar oxudum. Çox istərdim ki məsuluyyətlə bağlı bir heykək olsun. Əlbəttə bu heykəldə bir personaj əks oluna bilməz. Məsuliyyət hissi olan adan sözün əsl mənasında insandır!!

Rasim Nuriyev:

Şeyxi göstərib:bu VİCDAN nə olduğun bilmir, hansısa canlıya, insana əl tutan vaxtı birini çəkib Səxavət, Ata-Anasının əlindən tutub üfüqlərə kimi aparana Ləyaqət, topçu Vüsalı Şücaət, Şuşa fatehlərini Cəsarət kimi göstərmək olar.

Есмира Хесенли:

Bütün frazalar, dəqiq və gözəl deyilib.

Bilmirəm necə, amma, "Vicdan" heykəli yapıb, bütün dövlət müəssisələrinin qarşısına qoymaq lazımdır.

QEYD. Başlıqlar "Facebook" sosial şəbəkəsindəki başlıqla eynilik təşkil edir.

Firuz Mustafa:

Adətən, qorxaqlar qəhrəmanlığı başqalarının simasında axtarırlar

"Buz üstə yazılmış sətirlər" kitabından

* Adətən, kişilər nifrətlə sevir, qadınlarsa sevərək nifrət edir.

* Adətən, deyirlər ki, uşaqlar (və ya uşqlıq) bizim gələcəyimizdir; əslində isə uşaqlıq bizim keçmişimiz, qocalıq isə gələcəyimizdir.

* Adətən, qorxaqlar qəhrəmanlığı başqalarının simasında axtarırlar.

* Adətən, güclülər qarşısında güclü olan adamlar, gücsüzlərin önündə çox “zəif” olur.

* Adətən, gözə girən adamların çoxu gözdən düşmüş adamlar olur.

* Adətən xoşbəxtlık gecələr gəlir. Onda da adamların çoxu şirin yuxuda olur.

* Adətən adamlar düz danışana əhəmiyyət verməsələr də, yalan danışana xüsusi diqqətlə qulaq asırlar.

* Adətən, var-dövlət onu qazananlara deyil, onu xərcləyənlərə qismət olur.

* Adətən, qorxaqlar və satqınlar öz “qəhrəmanlıqları” haqda əfsanələr uydururlar, qəhrəmanlar isə öz fəaliyyətləri barədə danışmağa xəcalət çəkirlər.

* Adətən, insanlar xoşbəxtliyi təklikdə axtarırlar. Əgər sevirsənsə bu necə mümkün ola bilər? İstər-istəməz bu hiss ən azı iki nəfər arasında bölüşdürülməlidir.

* Adətən, günahsızlar özlərinin bağışlanmaqları üçün daha çox dua edirlər.

* Adətən, kollektivdə özünü tərifləyən adamı o çıxıb gedəndən sonra “kollektiv qaydada” ələ salırlar.

* Adətən, ateistlər fanatik dindarları cahil hesab edirlər. Əslində cahillik təkcə dinlə bağlı bir məsələ deyildir. Elə areistlər arasında da kifayət qədər cahillərə və ya cahilliyə namizədlərə rast gəlmək mümkündür. Hətta, çox qədimdən belə bir ifadə də işlənməkdədir: ateizm özü də bir dindir.

* Adətən, alimlər ölkənin hansı (iqtisadi) sahəsinə kapital-invеstisiya qоyulması barədə mübahisələr edirlər. Əslində investisiya yalnız bir sahəyə-bеyinə (intеllеktə) qоyulmalıdır.

* Adətən hamının axmaq kimi tanıdığı adamın müsbət bir hərəkəti onu yaxşılar cərgəsinə yüksəltmir. Amma hamının yaxşı adam kimi tanıdığı birinin xoşagəlməz bir hərəkəti onu axmaqlar cərgəsinə endirir.

* Adətən, bütün dünyada konkret şəxsiyyət, hadisə və predmetlərə abidə qoyurlar. Hərdən fikirləşirəm ki, bəs görəsən abstrakt hadisələrə heykəl qoymaq olmazmı? Anlaşıqlı olsun deyə bir az da xırdalayım.

Məsələn: vicdana, mədəniyyətə, hissə, duyğuya, sevgiyə, dəyanətə, inama, mərifətə, etibara...

Axı bunlar insanlığın atribularıdır..

Sualım budur: kim bu heykəlləri necə təsəvvür edir?