"Sehirli fırçanın yaşıl dünyası" adlı sərgi keçirilib

07.09.2024-cü il tarixində "Yaşıl Dünya Naminə Həmrəylik İli" çərçivəsində uşaq, yeniyetmə və gənclərin yaradıcılığını stimullaşdırmaq, həmçinin bədii zövgün inkişafına xidmət məqsədi ilə, " Təxəyyül Art Group"un təşkilatçılığı ilə, 4-18 yaşlı uşaq və yeniyetmələr arasında, Xətai Sənət Mərkəzində "Sehirli fırçanın yaşıl dünyası" adlı sərgi tədbir keçirilmişdir. Sərgiyə müxtəlif Uşaq və Gənclər İncəsənət Mərkəzlərindən, orta təhsil müəssisələrindən uşaq və yeniyetmələr səksənə yaxın öz rəsm əsərləri ilə sərgiyə qatılmışlar. Sərgini giriş sözü ilə " Təxəyyül Art Group"un rəhbəri xalçaçı rəssam - Natiq Nəcəfzadə açaraq öz çıxışında gələn qonaqları salamlayıb, uşaqları təbrik edib, onlara uğurlar arzulayıb. Daha sonra isə Qəbələdən  sərgiyə gələn qonaq, oymaçı rəssam - Yəhya Cəlilov öz ürək sözlərini çatdıraraq bütün uşaqlara tutduqları bu yolda yaradıcılıq uğurları arzu edib  və incəsənətin bu sahəsində daha yüksək zirvələri fəth etməyi bildirib. Sonra çıxışları davam etdirərək Azərbaycan Rəssamlar İttifaqının, AXİB-nin, UASB-nin üzvü bir çox sərgilərin iştirakçısı rəssam-qrafik dizayner Vüsalə Yunusova bütün sərgi iştirakçılarını bundan da böyük və ölkə xaricində keçirilən sərgilərdə iştirak etməyi balaca rəssamlara arzulayıb. Daha sonra isə  sərginin hörmətli qonağı həkim, ictimai xadim, elmlər doktoru, Azərbaycan Yazıçılar İttifaqının üzvü, şair - Zakir Ağdamlıya söz verilib. O, uşaqların öz düşüncəsi ilə çəkilmiş rəsm əsərlərinin, rəngarəngliyindən söz açaraq onların hərəsinin öz rəng dünyası olduğunu bildirdi, uşaqlara gələcək sərgilər də daha da aktiv olmalarını dəvət etdi.  Bundan sonra Azərbaycan Rəssamlar İttifaqının peşəkar rəngkarlıq şöbəsinin üzvü, rəngkar-Rəvan Sadıqov, Əməkdar təhsil işçisi, Azərbaycan Rəssamlar İttifaqının üzvü - Fərrux Qasımov, sərgi haqqında öz təəsüratlarını  bölüşüblər. Açılışdan sonra sərgiyə gələn qonaqlarla birlikdə uşaqların rəsmlərinə baxış keçirildi, çəkilmiş rəsmlər çox maraqla qarşılandı.
Bədii hissədə isə balaca rəssam Əlizadə Aylin fortepianoda və ardınca Əliyeva Rəhimə "Uzundərə" və "Gürcü" rəqsləri ilə sərgiyə daha da rəngarənglik qatdılar.
Bütün bu sadalananlardan sonra sərgiyə qatılmış bir çox yaradıcılıq Mərkəzlərinin müəllimələri Ayiba Sahad, Tünzalə Mübariz, Esmeralda Tağızadə, Nigar Əzimova, Rəvan Sadıqov, Leyla Əliyeva, Gülsüm Zalıyeva, Əfsanə Xudıyeva, Dürrə Vahabova, Vüsalə Yunusova, Gövhər Məmmədova, Tofiqə Əliyeva, Videoqraflar - Vüsal Sabirli, Elroman Teymurlu təşəkkürnamələrlə, iştirakçı uşaq  və yeniyetmələr isə sertifikatlarla təltif olundular. Sonda isə xatirə fotoları çəkildi və gələcək layihələrdə "Təxəyyül Art Group"-a və onun yaradıcı heyyətinə uğurlar arzu olundu. 

Mətbuat dəstəyi Azpress.az, Xalqqazeti.az saytlarıdır. 

Foto: Azpress.az saytının fotomüxbiri - Mahir Əhmədov.

Məqaləni hazırladı- Vüsalə Yunusova.