Firudin Abazaliyev:

Elman müəllim mən Rəhmətlik Yaşar Nuriynən yaxın olmuşam. Sovetskdə qonşu olmuşuq həmdə elə uşaqlıqdan . Deməli Yaşar 1962- ci ildənən Az tevenin onda elə Az . Tv- dən başqa kanal yox di həmdə Hər adamgildı televizor yox idi . Həhtəfə bir dəfə cüma axşamlar uşaqlar üçün bir verliş verərdilər Yaşar orda iştirak edərdi Yaşarda yay idi sentyabrdan 5- ci sinifdə oxuyacaqdı . Verliş qurtaran kimi qaçıb tində durardıq ki , Yaşar gələcək sevinclə qarşılardıq. Atası Məmmədsadıq kişi Bakılıydı, o vaxt onu Gəncə Teatrına göndəriblər elə orda Rəfiqə xalayla evləniblər . Böyük qarda şının iki adı vardı , Qafarda deyirdilər, Dadaş da , Yaşar, sonra da iki qız övladı gəlir.

Yaşarın məhşur bir bibisi Vardı odövrün ço hörmətli İnsanlarından biriydi Molla Qayxanım. Məhəllənin damavoy knijkası onun və Qənbər adlı bir kişidəydi. Yəni Sovet hökumətinəcən məhlədə olan evlər onlarındı.

1976-cı ildə İlk dəfə olaraq mən SƏADƏD sarayında toyda Yaşar Nurinin Toyunda iştirak etmişəm . Rayonda şləyirdim zəng elədi toya dəvət elədi.

Evlənəndən sonra köçüb köhnə Ali məhkəmə tərəfdə Nizami k/ T tərəfdə yaşayırdı iki qız övladı olmuşdu.

Allah atasında, anasında özündə rəhmət eləsin , ruhları şad olsunlar.

QEYD. Başlıqlar "Facebook" sosial şəbəkəsindəki başlıqla eynilik təşkil edir.

 Elman Eldaroğlu: 

Komediyamızın "Everest" zirvəsi...

Azərbaycanda aktyorluq peşəsinin ən uca zirvəsinə yüksələ bilən sənətkarlar çox olub. Düşünürəm ki, kino və teatr sənətinin komediya janrında onun fəth etdiyi zirvəyə hələ də heç kim yüksələ bilməyib. Necə deyərlər, o, bu sənətin “Everest”i idi...

Bir başqa aləm idi Yaşar Nuri. Bəzən uşaq kimi kövrəlir, bəzən də sərt olurdu. Hətta adamdan inciyib küsməyi də vardı. Heç vaxt heç kimin haqqına girməzdi və belə insanlara nifrət edirdi. Hikmətli sözləri çox idi. Həmişə aktyorlara deyirdi ki, 50 yaşına qədər adınıza işləyin, 50-dən sonra adınız sizə işləyəcək. Çox siqaret çəkirdi. Tərgitmək istəsə də, özüylə bacarmırdı. Hobbisi də, əyləncəsi də, həyatı da sənəti idi. Obrazları o qədər cani-dildən oynayırdı ki, köynəyini sıxanda su tökülürdü. Səliqəli geyinməyi xoşlayırdı və həmişə də “brend” paltarlar alırdı. Məclislərdə ürəyi açılırdı və özünü rahat hiss edirdi...

Həyatda da baməzə insan idi. O vaxtlar "Kinoklub" adlı veriliş vardı. Bir gün çəkilişə gedərkən, yolda həmkarı Firəngiz Mütəllimova ilə rastlaşır. Haraya getdiyini soruşur. Öyrənir ki, “Kinoklub”da çəkilişə dəvət olunub. “Nə var e, orda, nəyə gedirsən?”- deyə sual verir. Firəngiz xanım cavabında- “Niyə də getməyim, 80 manat pul verirlər.”- söyləyir. “Mən sənə 100 manat verirəm, getmə.” Razılaşırlar. Firəngiz xanım 100 manatı götürüb, evə qayıdır. Sən demə, onu yola salandan sonra özü həmin çəkilişə gedib, iştirak edir. Bunu bilən Firəngiz xanım ondan soruşur ki, niyə özün getdin, məni qoymadın? “Getdim ki, görüm, məni aldadıb, ora gəlməmisən ki?..”

Yaşar Nuri həm də böyük bir məktəb idi, obrazla yaşamağı bacarırdı. "Səni axtarıram" tamaşasının çəkilişi zamanı tərəf müqabili ağlamalıydı. Orada bir yer var, Elçin (Yaşar Nuri) Gülnarın (Firəngiz Mütəllimova) saçını oxşayıb deyir: "Sən yaxşı qıszan, Gülnar". Rejissor nə illah eləyirsə, Gülnar ona baxıb ağlaya bilmir. Bir də onda görürlər ki, Yaşarın gözlərindən yaş axır. Gülnarın əvəzinə Elçin ağlayır...

Möhtəşəm aktyorluq istedadıyla bərabər, onun gözəl, şıdrığı rəqs etmək qabiliyyəti də var idi. Ən çox “Qoçəli” rəqsini oynayardı. Bütün toylarda xüsusi olaraq onun üçün ifa edib, onu rəqsə dəvət edərdilər…

Yaşar Nuri yalnız sənəti ilə deyil, savadı ilə də fərqlənirdi. Peşəkar jurnalistlər ondan müsahibə götürəndə çalışırdılar ki, istədikləri cavabları alsınlar, çətin suallar verirdilər ki, bəlkə çaşıb nəyisə deyər. Amma o, sualları elə ustalıqla cavablandırırdı ki, heyran qalmamaq mümkün deyildi. Çox güclü yaddaşı var idi, sanki canlı arxiv idi...

Ömür-gün yoldaşı Rəhimə xanım deyir ki,- “Uzun sürən xəstəliyinə baxmayaraq, fikri-zikri səhnədəydi. Ömrünün son günlərində çox böyük bir arzusunu dilə gətirdi. Dedi ki, “Rəhimə, elə istəyirəm ki, səhnədə tək çıxış edim, monoloq söyləyim. Amma bilmirəm əlil arabasında səhnəyə çıxmağım düzgün olarmı?””

Yaşasaydı sentyabrın 3-də 73 yaşı tamam olacaqdı. Heyf ki, milli komediyamızın “Everest”i bu gün aramızda yoxdur. Amma nə qəm, nə qədər ki, Azərbaycan var, Yaşar Nurinin əziz xatirəsi ehtiramla yad olunacaq...

Ruhu şad olsun!

Elman Eldaroğlu