Telli Pənahqızı aktual olan mövzunun sorğusunu keçirdi: Evli gənclər valideynlərdən ayrı yaşamalıdır?

Telekanalların birində müzakirə gedir: gənclər ailə qurduqdan sonra ayrı yaşamalıdır!

Həkim- psixoloq hökm də verir: məgər biz övladları dünyaya gətiririk ki, onlar ailə qurandan sonra bizə baxsınlar?

Cavanlar müstəqil yaşamalıdır, valideynlər gec- tez tək qalmalıdır və özləri özlərinə baxmalıdır!!!

Şərhlərdən: 

Lamiyə Rövşənqızı:

Nə deyim vallah bilmirəm. Bizə seçim verilməyib deyə, nə var ona qane olmuşuq..))) İndiki gənclər fərqlidir..Seçim haqqı verirsən, ona da şübhə ilə yanaşırlar. Yəni, seçimin seçimini edirlər. Mən çox istəyərdim ki, övladlarımla hər zaman bir yerdə yaşayım. Allah heydən-hərəkətdən salmasın, özümə baxım, ama yenə də səhər-axşam hamı bir süfrədə birləşsin! Bundan gözəl heç nə yoxdur həyatda..Anlayana....

Pərvanə Zəngəzurlu:  ·

Vallah belə getsə Azərbaycanda əhalinin sayı getdikcə azalacaq .Çünki əgər övladı özünün gələcəyi üçün ,yəni yaşlı olanda ona baxsın fikirini doğru saymırlarsa o zaman nəyə görə övlad dünyaya gətirməli və böyüdüb boya başa gətirincə min bir əzab əziyyətlərə qatlaşmalıdır.Dəhşətdir eyyy bu nə zəmanə idi biz gəldik axı tv-lər əməllicə cavanları yolundan azdırır.