İsgəndər Sərdarlı:

Bəlkə də taleləri dəyişəcək valideyn addımlarımız da olur həyatda...

Düz 13 il bundan əvvəl sovet estradasının mogikan bəstəkarlarından biri Raymond Pauls (O dövrdə o Latviya parlamentinin ən nüfuzlu komissiya sədri idi....)təkidlə bildirmişdi ki, gənc riyaziyyatçı, həm də yazıçı (bu görüş Toğrulun "Əbədiyyətə qovuşanlar" romanının Riqa şəhərindəki təqdimatı ərəfəsində baş tutmuşdu) Toğrul mütləq taleyini estradaya, kinoya bağlamalıdı. Bunun üçün xeyir dua verirdi, gələcəkdə dəstəyini əsirgəməyəcəyini bildirirdi...... Taledən qaçmaq olmur deyirlər.. Amma bəlkə də taleləri dəyişəcək valideyn addımlarımız da olur həyatda. O zaman mən hesab edirdim ki, mənim övladım mütləq institutu müvəffəqiyyətlə bitirib tanınmış riyaziyyatçı alim olmalıdı.... Amma Toğrulun meyli həmişə incəsənətə, ədəbiyyata olub. Ali məktəbə daxil olmaq üçün hazırlıq kurslarına gedərkən 17 yaşında paralel olaraq həm də roman yazırdı.... Bəli tale elə gətirdi ki, indi də o incəsənətdədi. Sıravi qaydada yox, özünün dekorativ tətbiqi sənət aləminə gətirdiyi yeniliklərlə, üslubuyla... Allah yolunu hər zaman açıq eləsin, oğlum. İnanıram ki, Yaradanımız sənə haqq etdiyin,layiq olduğun yerdə qərarlaşmağına yardımçı olacaq...