Klian Mbappe Avro-2024-də ilk qolunu vurub

Almaniyada futbol üzrə keçirilən Avropa çempionatı davam edir. Dünən çempionatın qrup mərhələsində daha dörd oyun keçirilib və bununla da həmin qruplarda komandaların yekun turnir vəziyyəti müəyyənləşib. Söhbət C və D qrupundan gedir. 

Günün diqqət çəkən oyunları əsasən D qrupunda keçirilib. Burada Fransa Polşa ilə, Hollandiya isə Avstriyayla üzləşib. 

Dortmund şəhərindəki "Siqnal İduna Park" stadionunda baş tutan oyunda Fransa ilə Polşa qarşılaşıb. 81.365 tamaşaçının izlədiyi oyun heç-heçə başa çatıb -1:1. İlk yarısı qolsuz bərabərliklə bitən matçda ilk qolu Klian Mbappe (56-ci dəq) penaltı zərbəsi ilə vurub - 1:0. Bu onun Avro -2024-də ilk qolu olub.

Maraqlıdır ki, polsalilarin vurduğu cavab qol da penaltı ilə reallaşıb. 79-cu dəqiqədə fransızların qapısına təyin edilən penaltini polşalı forvard Roberto Levandovski vurub. Lakin fransalı qolkiper Mayk Menyan vaxtından əvvəl qapı xəttindən irəli çıxmaqla zərbəni dəf edib. Hakim Menyanin qayda pozduğunu nəzərə alaraq Levandovskiyə təkrar zərbə vurmaq imkanı verib. Zərbə dəqiq olunca hesab bərabərləşib - 1:1. 

Qrupda keçirilən digər oyunda isə Hollandiya millisi ilə Avstriya üz-üzə gəlib. Berlindəki 74.478 tutumlu "Olimpiastadion"da baş tutan həmin matç avstriyalılarin qələbəsi ilə bitib - 3:2. Bu qələbə Avstriyanı qrup liderinə çevirib. Məqlubiyyətlə üzləşən narıncılar isə üçüncü pilləyə düşüblər. Oyunda vurulan qollara gəlincə, Avstriyadan Malen (6-ci dəq), Şmid (59-cu dəq) və Zabitser (80 dəq) fərqlənib. Hollandiya millisindən isə Qakpo (47) və Depay (75) səhnəyə çıxıb. 

Dünən C qrupunda da son turun oyunları keçirilib. Maraqlıdır ki, bu qrupda baş tutan hər iki oyun qolsuz bərabərliklə bitib 0:0. İngiltərə Sloveniya ilə, Danimarka isə Serbiya ilə bərabərə qalıb.

Qruplarda yekun turnir vəziyyəti:

D qrupunda:

Avstriya  3  2  0  1  6:4  6

Fransa  3  1  2  0  2:1  5

Hollandiya 3  1  1  1  4:4  4

Polşa  3  0  1  2  3:6  1

C qrupunda:

İngiltərə  3  2  0  1  6:4  6

Fransa  3  1  2  0  2:1  5

Hollandiya  3  1  1  1  4:4  4

Polşa  3  0  1  2  3:6  1

Bu gün E və F qrupunda keçiriləcək oyunlarla çempionatın qrup mərhələsinə yekun vurulacaq və bununla da pley-offcular müəyyənləşəcək. Reqlamentə görə, qrup ikinciləri (6 qrup) və qruplarda üçüncü yeri tutan ən yaxşı 4 komanda mübarizəni pley-offdan davam etdirəcək.

İNTİQAM Məmmədov