Elman Eldaroğlu: 

Mozambikdə Boradigah rüzgarı

Bir yandan müqəddəs Qurban bayramının dadını çıxarır, bir yandan da ad gününün sevincini yaşayır…

Ramiz Rövşəndən misal çəkib deyir ki,

“Soruşma ki, vətən nədir,

nə boyda nə biçimdə,

məni göstər vətən mənəm,

vətən mənim içimdə…”

Və bu misraları həyat kredosu hesab edir…

Cavadzadə Füzuli Musa oğlu

16 İyun 1962-ci ildə Masallı rayon Boradigah qəsəbəsində anadan olub. 1979-cu ildə Boradigah qəsəbəsində orta məktəbi əla qiymətlərlə bitirərək sənədlərini ADU-nun filologiya fakültəsinə verib, lakin konkurusdan keçə bilməyib…

1980-1982-cı illərdə Latviya respublikasının Adaji rayonunda altı aylıq serjant kurslarında oxuyub. Sonra Kalininqrad vilayətinin Momanov şəhərində, baş serjant rütbəsində hərbi xidməti başa vurub…

HaciFizuli Boradigahli:

Allah ömrünə-bərəkət canına-sağlamlıq versin,adaşım Fizuli-Ad-Günün-Mubarək.Təbriklər həyatda -yaşayıb sağlam ömür sürəsən dostlarınla Amin ya rəbbəl aləmin.

Bayrameli Ceferov:

Dəyərimiz Füzuli bəy yeni yaşınızı təbrik edirəm hayatda nə yaxşı var sizin olsun yaşa yaşa çox yaşa sağlam yaşa yaşa

Nurməmməd Aga:

Poeziya xiridarı Füzuli Cavadov(Cavadzadə)! Yeni baharın, yeni yaşın, mövludun mübarək! Qəlbindən poeziya, söz ocağının hərarəti əksilməsin!

Hanı ürəyimin ərköyünlüyü,

Hanı saçlarımın sıx-sıx yığımı?!

İllər səngər "qazır" alnımda mənim,

"Atəşə tutmaqçün" cavanlığımı! 

Malik Əsgərov:

RƏHMƏTLİK MUSA ƏMİNİN KOPYASISAN TORPAĞI SANI YAŞAYASAN ƏZİZ QOHUM !

Эльшан Ибрагимов:

Fizuli müəllim cox istedadlı və ziyalı insandır!Təbrik edir və uzun ömür arzulayıram!

QEYD. Sarı fonda verilən başlıqlar "Facebook" sosial şəbəkəsindəki başlıqla eynilik təşkil edir.

1983-cü ildən Kalininqrad şəhərinin Pionersk şəhərində gəmiçilik üzrə bazada işə düzəlib. Yaxşı işinə görə dəfələrlə fəxri fərmanlarla təltif olunub. Elə yaxşı işinə görə də 1990-1991-ci illərdə Mozambikin paytaxt şəhəri olan Maputuda sovet mütəxəssisi kimi bir illik ezamiyyətə göndərilib. Balıqçılıq gəmilərilə okean sularında bəzən təbiətin şıltaglıqları ilə də rastlaşıb. Ancaq bu onu qorxutmayıb, onu daha da cəsurlaşdırıb...

İşlədiyi müddətdə xeyli ölkələrdə olub. Kanar adaları, Kuba, Panama, Nikaraqua, Anqola, Seneqal, Argentina, Konakri, Qvineya bu ölkələrin sırasındadır…

Kalininqrad Texniki İnsitutunu qiyabi başa vurub. 1994-cü ildən Sankt-Peterbur şəhərində yaşayır. Kiçik sahibkardır.

Bəli, Azərbaycanı canından da çox istəyən Füzuli bəyin bu Qurban günündə 62 yaşı tamam olur. Poeziya vurğunu olan və səyyahət etməyi xoşlayan həmyerlimə möhkəm cansağlığı arzulayıram.

Çox yaşasın!