Yardımlı yolunun hansı hissələri asfaltlanacaq? Bu məqsədlə ilkin olaraq 1,7 milyon manat ayrılıb

Ölkə başçısının 11 dekabr 2023-ci il tarixli sərəncamı ilə Yardımlı rayonunun Masallı‒Yardımlı (44 km)‒Sırıq‒Əfçədulan‒Horavar‒Əngövül‒Zəngələ‒Vərov‒Keçələkəran avtomobil yolunun əsaslı təmiri ilə bağlı 1milyon 700 min manat pul ayrılıb.

Məlumat üçün bildirək ki, Masallı-Yardımlı yolunun uzunluğu 56 kilometrdir. Bu yolun 17 kilometri (Masallı şəhərinin mərkəzindən Yardımlı yolunun 17-ci kilometrinədək məsafəniəhatə edir).

Əsaslı təmir olunacaq yol 17-ci kilometrdən başlayaraq Sırıq kəndinə qədər, həmin hissədən sol tərəfə, Lerik yoluna istiqamət götürərək Sırıq‒Əfçədulan‒Horavar‒Əngövül‒Zəngələ‒Vərov‒Keçələkəran kəndlərini keçərək Lerik-Xanagah yolu il birləşəcək. Beləliklə  Lerikdən Yardımlı yoluna rahat şəkildə çıxmaq olacaq.

Bundan əlavə Yardımlının Sırıq kəndindən Cəlilabad istiqamətinə 5 kilometr məsafəyə asfalt döşənəcək. Beləliklə Lerik rayonunda Masallını “görmədən” Yardımlı- Cəlilabadı keçməklə paytaxta daha rahat çıxış əldə ediləcək.

Yeni təmir olunacaq yolu Mahmud Bağırovun rəhbərlik etdiyi 47 saylı Yol İstismar İdarə inşa edəcək.

Yolun inşasına 2024-cü ilin əvvəllərində başlanacaq.

7 kəndi,  5 min nəfər əhalini əhatə edəcək yeni təmir olunacaq yolun xəritəsi əlavə olunur.

Cenub.az. Turan Əlisoy