Hamımız ölümdən sonra nə baş verdiyini düşünürük. Sevdiyimiz insan vəfat edəndə onun üçün kədərlənirik və növbəmiz çatanda onunla görüşməyi ümid edirik. Sevdiklərimizlə şanlı bir qovuşma olacaqmı, yoxsa ölüm duyğumuzun sonunu gətirəcək?

İsa öyrədirdi ki, həyat fiziki ölümdən sonra bitmir. O, heyrətamiz bir açıqlama vermişdi: “Mən qiyamət və həyatam. Mənə inananlar öldükdən sonra da diriləcəklər”. Ən yaxın şahidlərin dediyinə görə, İsa Məsih çarmıxa çəkildikdən və dəfn edildikdən 3 gün sonra dirilərək ölüm üzərində gücünü göstərmişdir. Məhz bu dirilmə inancı xristianlara 2000 ilə yaxındır ümid bəxş edir. Amma bəzi insanların ölümdən sonra həyata ümidləri yoxdur. Ateist filosof Bertrand Russell belə yazırdı: “İnanıram ki, ölümdən sonra bədənim çürüyəcək və məndən heç nə qalmayacaq”. Rasselin İsa Məsihin sözlərinə inanmadığı buradan açıq-aydın görünür.

Məsihin şagirdləri yazırdılar ki, o, çarmıxa çəkildikdən və dəfn edildikdən sonra onlara diri göründü. İddia edirlər ki, onu nəinki görüblər, hətta onunla yemək yeyiblər, ona toxunublar və onunla 40 gün keçiriblər.

Bu, sadəcə olaraq, zaman keçdikcə bədii ədəbiyyata çevrilmiş bir hekayə ola bilər, yoxsa etibarlı dəlillərə əsaslanır? Xristianlığın əsaslarının möhkəmliyi bu sualın cavabından asılıdır. Əgər İsa Məsih həqiqətən dirildisə, bu, onun özü haqqında, həyatın mənası və ölümdən sonra bizə nəyin təyin olunacağı haqqında söylədiyi hər şeyi təsdiqləyir. Əgər İsa Məsih həqiqətən dirildisə, həyatın məqsədi və ölümdən sonra insanları nəyin gözlədiyi ilə bağlı sualların cavabını yalnız o bilər. Digər tərəfdən, İsa Məsihin dirilməsi hekayəsi uydurulubsa, xristianlıq yalan üzərində qurulub. İlahiyyatçı R. S.Sproul belə qeyd edir: “Məsihin dirilməsinin təsdiqi xristianlıq üçün çox vacibdir. Əgər İsa Məsih Allah tərəfindən dirildilibsə, deməli o, heç bir dini liderə malik olmayan səlahiyyətlərə və “etimadnamələrə” malikdir. Budda öldü. Məhəmməd öldü. Musa öldü. Konfutsi öldü. Lakin,...xristianlığa görə, Məsih diridir.Bəs, İsa Məsihin dirilməsi nədir - fantastik fakt, yoxsa zərərli mif? Bunu öyrənmək üçün tarixi dəlillərə baxmaq və özümüzdən nəticə çıxarmaq lazımdır.