Zaur Əliyev:

Görəsən, ekspertlər verilişlərdə "ağıllı" çıxışlar edəndə utanırlarmı?

Görəsən Elgiz, Xoşqədəm, Zaur+2 Zaur da üstündə verilişlərə çıxıb "ekspert" kimi çıxış edənlər inanırlar ki, onlar ciddi adamlardı və onların "məsləhət" lərinə qulaq asan var. Görsən ümumiyyətlə o ekspertlər özlərinə kənardan baxırlar ? Utanırlar o verilişlərdə səviyyəsiz və ailə, milli dəyərlərin alçaldıcı mövzuların müzakirəsində "ağıllı" çıxışlar edəndə ?

Görəsən bu "ekspertlər" küçədə gedəndə, yaxud hansısa məclisdə olanda ətrafa baxıb görürlər ki, millət onlara hansı gözlə baxır?

Görəsən bu tipli adamlar ağsaqqal, ağbirçək yanında hansı səviyyədə olduqlarını bilirlər ?

Bu ölkənin sanballı insanlarının gözlərində nə olduqlarını hiss edirlər ?

Yekə yekə "Mən ekspertəm" deyib əxlaq və mədəni dəyərlərin məhv edilməsində iştirak edən bunlar sabah öz övladlarının, qohumlarının, nəvələrinin, nəticələrinin çərçivədən çıxan həyatlarında özlərini günahkar biləcəklər ?

Baba Vəziroğlu kimi adamın qardaşı, Şəfiqə kimi "hüquqşünas" və onlar kimi mənasız və lazımsız həyat yaşayanlarla birgə efirdə "ekspert" olan, onların ətrafında içlərində şəxsən tanıdığım adamların orda olması məni üzür.

Efirə çıxıb "arvadım məni aldatdı, mən onu bağışladım", yaxud " and olsun ərimin qəbrinə onu sevirəm" tipli sözlər deyən adamların əhatəsində olub "ekspert" kimi nə danışacaqsan ?

Yaxud beş dəfə ailəli olub, boşanan insanın "ekspert" kimi dəvət edilməsi hansı ağlın məhsuludur? Psixoloq efirə çıxıb başqa söhbətlər edir. Şair, hüquqşünas, həkim, psixoloq çıxıb efirdə qışqır-bağır salır, qarşısındakını təhqir edir...

Budur ? Yəni bunlar ekspertdir ?

Ekrandan konkret əxlaqsızlıq evlərə daxil olur, ailə dəyərləri, milli dəyərlər hansısa sponsorun reklamı üçün yox olunmaqda davam edir ...

Bəyənməsəm də fəaliyyətini , amma Tahir İmanov düz deyir " Əgər sənin TV rəhbər kimi çörəyin burdan çıxırsa, ciddi və normal verilişlərə tamaşaçı cəlb edə bilmirsənsə çıx get, ya da bu TV kanallar bağlansın, iki üçü qalsın və caamata normal verlişlər təqdim etsin" . Təxminən belə eşitmişəm dediklərini

İndi elə vəziyyətdəyik ki, vaxtilə əxlaqsız adlandırdığımız dövlətlər gəlib quyunun başında maraqla baxırlar ki, görəsən biz quyunun dibində nə edirik...