"Real" UEFA Çempionlar liqasını 15-ci dəfə qazanıb 

Dünən axşam saatlarında yalnız Köhnə Qitənin deyil, az qala bütün dünyanın diqqətini özünə çəkən möhtəşəm bir futbol matçı keçirilib. Söhbət UEFA Çempionlar liqasının Madrid "Real"i ilə Almaniyanın "Borussiya" (Dortmund) klubu arasında baş tutan həlledici final matçından gedir. Qeyd edək ki, Böyük Britaniyanın paytaxtı Londondakı məşhur "Uembli" stadionunda baş tutan bu oyunda Madrid klubu qalıb gəlib - 2:0. "Real"a qələbə qazandıran qollara gəlincə, hesabı 74-cu dəqiqədə madridli müdafiəçi Dani Karvaxal açıb - 1:0. Matçın 83-cu dəqiqəsində isə "Kral klubu"nun braziliyalı gənc forvardi Vinisius Juninyo hesabı 2:0-a çatdırıb. 

Yeri gəlmişkən, Dani Karvaxal (32 yaş, 142 gün) Çempionlar liqasının finalında qol vuran ən yaşlı futbolçu kimi tarixə düşüb. Vinisius (23 yaş, 325 gün) isə turnirin finalında qol vuran ən gənc futbolçu olaraq tarixə düşüb. O, Lionel Messini (23 yaş, 338 gün) qabaqlayıb.

Bu qələbə ilə "Real" klubu öz tarixində 15-ci dəfə UEFA Çempionlar liqasının qalibi adını qazanıb. Bununla da Madrid klubu öz rekordunu yeniləyib. Qeyd edək ki, sözügedən turnirdə İtaliyanın "Milan" klubu 7, "Bavariya" (Almaniya) və "Liverpul" (İngiltərə) isə hərəyə 6 dəfə kuboku başı üzərinə qaldırıb.

'Borussiya"ya (Dortmund) gəlincə, bu klub üç dəfə finalda olub. Bu dəfə Madrid klubuna uduzan Dortmund təmsilçisi 2013/13-cu illər mövsümündə Münhen"Bavariya"sina məqlub olub (2:1), 1997-ci ildə isə finalda "Yuventus"u (İtaliya) udub - 3:1. 

Onu da qeyd edək ki, "Real" 2023/24-cu illər mövsümündə keçirdiyi 13 oyunda bir dəfə də olsun uduzmayıb. Klub mövsümü 9 qələbə və 4 heç-heçə ilə başa vurmaqla "Barselona" klubunun 2005/06-ci illər mövsümündəki uqurunu təkrarlayıb.

Bundan sonra Madrid klubunu UEFA-nin Superkuboku gözləyir. Avqustun 14-də baş tutacaq Superkubokda İtaliyanın "Atalanta' (İtaliya) klubu ilə qarşılaşacaq. Oyun Polşanın Varşava şəhərindəki"Natsionalniy" stadionunda olacaq.

Yeri gəlmişkən, kuboku stadiona Zinədin Zindan gətirib. 

İNTİQAM Məmmədov