Çaparların "Omar Kuboku-2024" keçirilib

Mayın 25-də atçılıq idmanının konkur növü üzrə "Omar Kuboku-2024" keçirilib. Azərbaycan Respublikası Atçılıq Federasiyasının təşkilatçılığı ilə keçirilən "A*" və "M *" kateqoriyalı yarışlarda müxtəlif yaşlı idmançılar müxtəlif yaslı atlarən belində iştirak ediblər. "A*" kateqoriyalı yarış iştirakçılar hündürlüyü 90 sm, "M*" kateqoriya iştirakçıları isə 120 sm hündürlüyündə olan maneələri aşmalı olublar.

12 idmançının qatıldığı "A*" kateqoriyalı yarışın qalibi adını "Tiber" ləqəbli atla meydana çıxan Leyla Mirzəyeva ("Məktəb" atçılıq klubu) qazanıb. Bu yarışda ikinci yeri həmin məktəbin digər üzvü, ""Pul-Pul" ləqəbli atın belində yarışa qatılan Kamilla Həsənbəyova tutub. İlk üçlüyü isə "Lothar 41" ləqəbli atla maneələri dəf etməyə çalışan Kənan Novruzov ("Omar" atçılıq kulubu) tamamlayıb.

"M*" kateqoriyalı yarışda isə yaş məhdudiyyəti olmadan 21 idmanşı mübarizə aparıb. Bu yarışda birinci yeri "Gilan" AK-nun üzvü, "Carthanio" ləqəbli atla mübarizəyə qatılan Rahib İsmayılov tutub. İkinci yerin sahibi "Omar" AK-nın üzvü Kənan Novruzov olub. O, bu dəfə də "Lothar" ləqəbli atıyla fərqlənib. Bu yarışda üçüncü yerin sahibi isə "Ayla" ləqəbli atla öz məharətini nümayiş etdirən Seyid Musayev ("Elit" AK) olub.

Yarşlar başa çatdıqdan sonra hər iki kateqoriyada ilk 5 yeri tutan idmançılar (10 nəfər) Fəxri Fərmanlar və müxtəlif hədiyyələrlə təltif olunublar.

İNTİQAM Məmmədov