Qadın voleybol yığmamız QAL-da yenə uduzub

Bu gün kişi və qadın voleybolçular arasında Qızıl Avropa Liqasının (QAL) ikinci turuna (2-ci mərhələ) start verilib. Xəbər verdiyimiz kimi Azərbaycan həm kişilərin, həm də qadınların bu yarışında iştirak edir. İlk olaraq qadın yığmamız mübarizəyə qatılıb. Baş məşqçisi Fauq Qarayev olan millimiz ikinci tura Rumınıyada qatılıb və ilk oyununu da ev sahibinə qarşı keçirib. Təəssüflər olsun ki, komandamız ikinci tura quru hesablı məğlubiyyətlə başlayıb - 0:3 (19:25, 15:25, 10:25). Sabah isə millimiz ikinci tur çərçivəsində növbəti matçını eyni məkanda İsveçə qarşı keçirəcək. 

Xatırladaq ki, Xorvatiyanın ev sahibliyi etdiyi birinci turun ilk oyununda xorvatları quru hesabla məğlub edən yığmamız ikinci oyunda Slovakiyaya 1:3 hesabla uduzmuşdu. 

Fərid Cəlilovun rəhbərlik etdiyi kişi komandamız isə ikinci turun oyunlarını 24-26 may günlərində Belçikada krçirəcək. Yığmamız bu gün kemçirəcəyi ilk oyunda Belçika ilə qarşılaşacaq. Sabah isə Şimali Makedoniya ilə üzləşəcək. 

Xatırladaq ki, kişi yığmamız turnirin Bakıda keçirilən ilk turundə Rumıniya və Ukrayna millisinə quru hesabla uduzub - 0:3. 

Reqlamentə görə, üç turdan sonra (6 oyun) ən yaşxı nəticə göstərən 4 komanda mübarizəni "dördlər finalı"ndan davam etdirəcək. 

İNTİQAM Məmmədov