Güləşçimiz Qurban Qurbanov Avropa çempionu olub

Bakı İdman Sarayında 23 yaşlı (U-23) gənclər arasında idman güləşi üzrə keçirilən Avropa çempionatı davam edir. Yunan-Romaçıların çıxışı ilə start götürən çempionatın bu günə təsadüf edən üçüncü günü də Azərbaycan komandası üçün uğurlu olub. Belə ki, bu gün daha dörd təmsilçimiz uqurla çıxış edərək fəxri kürsüyə qalxıb. Onların arasında ən yaxşı nəticəni isə həlledici final görüşünü də qələbə ilə başa vuran Qurban Qurbanov (82 kq) göstərib. Qurbanov bu yarışda yiqmamizin aktivinə üçüncü qızılı yazdırıb. Finalda güləsən daha bir təmsilçimiz - Nihad Quluzadə (60 kq) isə həlledici görüşdə uduzaraq çıxışını ikinci pillədə başa vurub və gümüş medalla kifayətlənib.

Ruslan Nurullayevlə (72 kq) Murad Əhmədiyev (97 kq) isə üçüncü olmaqla bürünc medal qazanıb.

Bununla da Azərbaycanın yunan-Roma güləşi üzrə yığma komandası ev sahibliyi etdiyi Avropa çempionatını 8 (3-1-4) medalla başa vurub.

Bu gün qızların da yarışına start verilib. Yarışa üç təmsilçimiz qatılıb. Onlardan ikisi - Şahanə Nəzərova (50 kq) və Ruzanna Məmmədova (59 kq) müəyyən mərhələdə budresə də, sabah bürünc medal uğrunda təsəlliverici görüşlərə qatılmaq imkanı əldə edib. Gültəkin Şirinova (55 kq) isə elə startdaca büdrəyərək mübarizəni erkən dayandirib.

İNTİQAM Məmmədov