Cavadxan Qasımov:

"Heydər Əliyev və Azərbaycan: dənizdən 100 damla" adlı kitabımın təqdimatı oldu

Naxçıvan Dövlət Universitetinin Elmi Kitabxanasında müəllifi olduğum Heydər Əliyev və Azərbaycan: dənizdən 100 damla adlı kitabımın təqdimatı oldu. Kitabın hazırlanmasında Milli Liderimizin siyasi fəaliyyətinin bütün mərhələlərində xalqımız, dövlətimiz və millətimiz üçün həyata keçirmiş olduğu misilsiz tədbirlərdən 100-ü barəsində söz açılır.

Ölkəmizdə və ona bağlı olan Naxçıvan Muxtar Respublikasında təmin olunan əlverişli fəaliyyət mühitinin bir hissəsini də elmi araşdırmalar sahəsindəki nəticələr təşkil etməkdədir. Bu isə biz gənc alimlərə tam imkan verir ki, aktual mövzularla bağlı olan araşdırma nəticələrimizi sistemli və əsaslandırılmış əsərlər şəklində çap etdirə bilək.

2023-cü ilin ölkəmizdə Heydər Əliyev ili elan olunmuşdur. Böyük siyasi xadimin tükənməz sevgi və məhəbbətlə qüdrətləndirdiyi müstəqil Azərbaycan dövlətinin uzunmüddətli iqtisadi inkişafı üçün güclü və etibarlı dayaqlar yaranmışdır. Bu isə, genişmiqyaslı elmi araşdırmalar üçün zəmin və şəraitə çevrilmişdir.

Təqdimatın keçirilməsinə yaratdığı şərait üçün universitetimizin rektoru, sevimlimiz Elbrus müəllimə, tədbirin aparılmasına görə hörmətli prorektor Arzu müəllimə, dəyərli natiqlərimizə ünvanıma bildirdikləri xoş sözlər üçün dərin minnətdarlıq edirəm.

Kitabın çap üçün tövsiyə olunmasına rəy verdikləri üçün Elmi məsləhətçi, hörmətli Teymur Abbasova, Elmi Redaktor, hörmətli Vüqar Rəhimzadəyə, rəyçilər, hörmətli Arzu Abdullayevə və hörmətli Şamxal Məmmədova bir daha, bir daha dərin ehtiramımı ifadə edirəm

Tədbirdə iştirak edən müəllim həmkarlamıza, tələbələrə, Elmi Kitabxananın kollektivinə bir daha dərin minnətdarlıq edirəm.