Yunan-Roma güləşi üzrə yığma komandamız da Avropada birinci olub 

Yunanıstanın Lutraki şəhərində 15 yaşlı (U-15) güləşçilər arasında keçirilən və Azərbaycan təmsilçilərinin də iştirak etdiyi Avropa çempionatına yunan-Romaçıların çıxışı ilə yekun vurulub. Qeyd edək ki, sərbəst güləş üzrə yığma komandamız kimi yunan-Romaçılarımız da uğurla çıxış edərək Avropanın birincisi olublar. Azərbaycan Güləş Federasiyasından verilən məlumata görə, klassiklərimiz 10 (1-4-5) medal və 158 xalla komanda hesabında birinci yeri tutub. Bununla da yunan-Roma üzrə yığma komandamız iki il öncəki uqurunu təkrarlayıb. Yunanıstanda ikinci yerə Ukrayna (93 xal), üçüncü yerəsə Ermənistan (92 xal) komandası çıxıb.

Qazanılan medallara gəlincə, yeganə qızıl medalın sahibi çempionatda baş tutan Azərbaycan finalınin qalibi Qurban Məcnunov (41 kq) olub. O. Finalda öz komanda yoldaşı Abdulrəhman Huseynlidən güclü olub. Digər finalçılarımız - Xudayar Kərimov (38 kq), Amin Əsgərli (48 kq) və Məhəmməd Orucov (85 kq) həlledici görüşdə büdrəyərək gümüş medalla kifayətlənib.

Buruncləri isə çıxışını üçüncü yerdə başa vuran Ümid Babayev (68 kq), Hüseyn Vəlizadə (57 kq), Əli Məmmədov (68 kq), Zöhrab Səfərli (75 kq) və Rauf Mütəllimov (85 kq) qazanıb.

Xatırladaq ki, yunan-Roma üzrə yığmadan öncə sərbəst güləşçilərimiz 8 (1-3-4) medalla Avropada eyni uqura imza atıb. Təəssüflər olsun ki, bu yarışda yalnız güləşçi qızlarımız fiaskoya uqrayiblar.

İNTİQAM Məmmədov