CÜDO

-------------------

Hidayət Heydərov Tokio qələbəsindən sonra reytinq cədvəlində liderliyini məhkəmləndirib

2-3 dekabr günlərində Yaponiyanın paytaxtı Tokioda İJF-nin (Beynəlxalq Cüdo Federasiyasıt) illik təqvim planına əsasən kişi və qadın cüdoçular arasında keçirilən ilin son "Böyük Dəbilqə"sindən sonra beynəlxalq federasiya tatami ustalarının yeni reytinq cədvəlini elan edib. Qeyd edək ki, sözügedən turnirdə uğurla çıxış edərək mükafatçılar sırasında yer alan Azərbaycan cüdoçularıı cədvəldəki mövqelərini bir qədər də yaxşılaşdırıblar.

Beləki, turnirdə qızıl medal qazanaraq Azərbaycan cüdosunda yeni səhifə açan Hidayər Heydərov (73 kq) aktivindəki xalların sayını 6638-ə çatdırmaqla liderlik mövqeyini daha da möhkəmləndirib. Bu cəkidə ikinci yeri 5798 xalla özbəkistanlı Nurodcan Yuldoshev, üçüncü yerisə Hidayətin finalda məğlub etdiyi yaponiyalı Soiçhi Hoşimoto (5540) tutur. 

Tokioda üçüncü yeri tutan Zəlim Kotsayev (100 kq) 5980 xalla yenə də ikinci yerdə qalıb. Bu çəkidə birinci yeri gürcüstanlı İlia Sulamanidze (7308) tutur. 

Tokioda üçüncü yeri tutan daha bir cüdoçumuz - Zəlim Tskayevsə (81 kq) 3189 xalla 13-cü pillədəki mövqeyində məhkəmlənib. Bu çəkidə çıxış edən digər cüdoçumuz - Səid Mollai isə 4118 xalla 6-cıdır. 

Dəgər çəkilərə gəlincə, 60 kq-da Balabəy Ağayev (4839) yenə də 5-ci, bu çəkidə güləşən Turan Bayramovsa (3526) 11-cidir.

66 kq çəkidə Yaşar Nəcəfov (3604) 8-dən 9-a, Kamran Süleymanovsa (1600) 32-dən 33-ə düşüb.

90 kq-da tatamiyə çıxan Murad Fətiyev (3011) bir pillə geriləməklə 18-ci olub. Ən ağırımaız olan Uşanqi Kokuariya (3425) gəlincə, o, 13-dən 14-ə düşüb. Bu çəkidə güləşən Camalxan Qamzatovsa (1588) 34-cüdür. 

Qadın cüdoçularımızda vəziyyət yenə də ürəkaçan deyil. 48 kq-da Leyla Əliyeva (2519) 21-dən 22-ə düşüb. 52 kq-da güləşən Gültac Məmmədəliyeva (2616) 13-cü pillədə qalıb. 57 kq çəkidə güləşən Aselya Topraq (1372) iki pillə irəliləməklə yalnız 30-cu olub. Təəssüflər olsun ki, 63. 70, 78 və +78 kq-da güləşən qadın cüdoçularımızdan heç biri hətt Top-100-də də yer ala bilməyib. 

Qeyd: Gələn ilin may ayının sonunda İJF-nin elan edəcəyi reytinq cədvəlində həm kişilər, həm də qadınlar hər çəkidə ilk 16 yei tutan cüdoçu 2024-cü ildə Parisdə (Fransa) keçiriləcək Olimpiada-2024-ə birbaşa lisenziya qazanmış olacaq. 

İNTİQAM Məmmədov